Dagskráin: Víkingar og Albert í Evrópu, HM í pílu og karlakarfan

Óskar Ófeigur Jónsson skrifar 19. desember 2024 06:00

Karl Friðleifur Gunnarsson og félagar í Víkingi spila mikilvægan Evrópuleik í Austurríki í beinni í dag en Albert Guðmundsson og félagar í Fiorentina eru að spila í Portúgal. Getty/Gabriele Maltinti/Harry Murphy

Það er mikið um að vera á rásum Stöðvar 2 Sport í dag og kvöld eins og vanalega á fimmtudögum.

Víkingar spila lokaleik sinn í Sambandsdeildinni þegar þeir heimsækja lið LASK í Austurríki en Víkingsliðið á enn möguleika á að komast í útsláttarkeppnina.

Leikir með Chelsea og Alberti Guðmundssyni og félögum í Fiorentina verða einnig sýndir beint úr Sambandsdeildinni en hún klárast í dag.

Fjórir leikir verða sýndir beint í Bónus deild karla í körfubolta en þetta er lokaumferðin fyrir jólafríið. Njarðvíkingar eru meðal annars á heimavelli á móti toppliði Stjörnunnar og Keflavíkingar taka á móti Þórsurum úr Þorlákshöfn. Tveir flottir leikir í Reykjanesbæ í kvöld.

Heimsmeistaramótið í pílukasti er farið af stað í Ally Pally [Alexandra Palace] í London og verður mótið í beinni allan desembermánuð.

Hér fyrir neðan má sjá yfirlit yfir beinar útsendingar á sportstöðvunum í dag.

Stöð 2 Sport

Klukkan 19.00 verður upphitun fyrir GAZ-leik kvöldsins.

Klukkan 19.10 hefst Skiptiborðið þar sem fylgst verður með gangi mála í öllum leikjum kvöldsins í Bónus deild karla í körfubolta.

Klukkan 21.00 hefjast Tilþrifin þar sem farið verður yfir alla leiki kvöldsins í Bónus deild karla í körfubolta.

Stöð 2 Sport 2

Klukkan 19.50 hefst útsending frá leik Chelsea og Shamrock Rovers í Sambandsdeildinni.

Stöð 2 Sport 3

Klukkan 19.50 hefst útsending frá leik Vitoria og Fiorentina í Sambandsdeildinni.

Stöð 2 Sport 5

Klukkan 19.05 hefst útsending frá leik Keflavíkur og Þórs Þorl. i Bónus deild karla í körfubolta.

Vodafone Sport

Klukkan 12.25 hefst útsending frá leikjum á heimsmeistaramótinu í pílukasti.

Klukkan 19.50 hefst útsending frá leik LASK og Vikings í Sambandsdeildinni.

Klukkan 00.05 hefst útsending frá leik Tampa Bay Lightning og St. Louis Blues í NHL deildinni í íshokkí.

Bónus deildar rásin

Klukkan 19.05 hefst útsending frá leik Njarðvíkur og Stjörnunnar i Bónus deild karla í körfubolta.

Bónus deildar rás 2

Klukkan 19.05 hefst útsending frá leik KR og Grindavíkur i Bónus deild karla í körfubolta.

Bónus deildar rás 2

Klukkan 19.05 hefst útsending frá leik Álftaness og Hattar i Bónus deild karla í körfubolta.

Dagskráin í dag

Mest lesið

Fleiri fréttir