Hvetja Ís­lendinga á svæðinu til að láta vita af sér

Þá er fólk beðið um að hafa samband við aðstandendur ef þeir eru öruggir en hafa samband við neyðarnúmer borgaraþjónustunnar í síma +354 545 0 112 ef aðstoðar er þörf.

Ægir Þór Eysteinsson, fjölmiðlafulltrúi utanríkisráðuneytisins, staðfestir í samtali við fréttastofu að enginn Íslendingur hafi haft samband við borgaraþjónustuna og óskað eftir aðstoð eins og stendur. Þá hefur utanríkisráðuneytið ekki fengið neinar fregnir af því að Íslendingar hafi verið á svæðinu þegar að bifreiðinni var ekið á hópinn á jólamarkaðnum.

„Virðið lokanir og tilmæli yfirvalda og fylgist með staðbundnum fjölmiðlum,“ segir í færslu utanríkisráðuneytisins á Facebook.