Kolefnisförgunarstöð metin með hagsmuni íbúa að leiðarljósi Kjartan Kjartansson skrifar 28. janúar 2025 13:24 Elliði Vignisson, bæjarstjóri Ölfuss, segir engin vandamál hafa komið upp gagnvart náttúru eða sveitarfélaginu á þeim tólf árum sem Carbfix hefur dælt niður koltvísýringi við Hellisheiðarvirkjun. Vísir Bæjarstjóri Ölfuss segir að hugmynd um kolefnisförgunarstöð Carbfix í sveitarfélaginu verði metin með hagsmuni íbúa að leiðarljósi. Enginr vankantar hafi komið upp varðandi starfsemi Carbfix á Hellisheiði síðasta áratuginn. Kynningarfundur um kolefnisförgunarstöðina var haldin í Þorlákshöfn í gær. Þar kynntu framkvæmdastjóri Carbfix og Elliði Vignisson, bæjarstjóri Ölfuss, hugmyndir fyrirtækisins um að taka á móti koltvísýringi frá evrópskum iðnfyrirtækjum og binda hann í jarðlög með tækni sem Carbfix þróaði við Hellisheiðarvirkjun í sveitarfélaginu. Verkefnið er af sama meiði og er til umsagnar í Hafnarfirði en þar hefur það mætt háværri andspyrnu fólks sem hefur fundið því flest til foráttu. Elliði skrifar í aðsendri grein á Vísi í dag að Ölfuss sé í einstrarki stöðu til meta möguleikann á umfangsmeiri starfsemi Carbfix þar sem sveitarfélagið hafi verið virkur þátttakandi í því frá upphafi á Hellisheiði. „Þeir möguleikar verða metnir með hagsmuni íbúa að leiðarljósi,“ skrifar Elliði. Fá íbúa að borðinu strax í upphafi Carbfix hefur dælt koltvísýringi í jörðu við Hellisheiðarvirkjun frá 2012 og segir Elliði að engir vankantar hafi komið upp gagnvart sveitarfélaginu eða náttúrunni á þeim tíma. Mikilvægt sé að varpa ljósi á hvaða áhrif verkefnið kunni að hafa á umhverfið og hvernig tryggt verði að vatnsból og önnur náttúruverðmæti verði varin. Kynningarfundurinn hafi verið fyrsta skrefið í að upplýsa íbúa um verkefnið og engar ákvarðanir hafa enn verið teknar. Viljayfirlýsing á milli sveitarfélagsins, Carbfix, Veitna og hafnarstjórnar Þorlákshafnar verður tekin fyrir á fundi bæjarstjórnar Ölfuss á fimmtudag. Ása Berglind Hjálmarsdóttir, bæjarfulltrúi Íbúalistans og þingmaður Samfylkingarinnar, sagði í kvöldfréttum í gær að viljayfirlýsingin hefði verið unnin í samstarfi við minnihlutann í bæjarstjórn sem hafi meðal annars lagt áherslu á að sveitarfélagið stæði að upplýsingagjöf um verkefnið og að íbúar gætu kallað eftir íbúakosningu. Verkefnið væri á algeru frumstigi og bæjarstjórnin hefði lært margt af svonefndu Heidelberg-máli en íbúar Ölfuss höfnuðu áformum um mölunarverksmiðju á vegum fyrirtækisins í íbúakosningu í vetur. Nú séu íbúar fengnir strax að borðinu og vel verði staðið að allri upplýsingagjöf. Hún sagði ekkert óeðlilegt við að fólk hefði efasemdir um verkefni af svo stórum skala og allir hefðu fylgst vel með umræðunni um Carbfix í Hafnarfirði. „Það sem auðvitað mun ráða afstöðu íbúa hér er hvaða áhrif þetta kemur til með að hafa á íbúa, nærumhverfi og aðra hagaðila sem fyrir eru. Það á allt eftir að koma í ljós,“ sagði Ása Berglind. Sýnt fram á gagnsemi í að binda koltvísýring Bæði í Hafnarfirði og í Ölfusi er ætlunin að taka á móti koltvísýringi á fljótandi formi í móttökustöðvum. Hann yrði svo fluttur með leiðslum til niðurdælingarborholna þar sem honum yrði dælt niður í jarðlög þar sem hann binst nær varanlega. Koltvísýringurinn kæmi frá iðnaðarferlum í Evrópu þar sem erfitt er að koma í veg fyrir losun, en ekki bruna á jarðefnaeldsneyti. Í Hafnarfirði hafa sumir íbúar haldið því fram að til standi að dæla niður „mengun“ frá útlöndum. Koltvísýringurinn er þó ekki hættulegur mönnum að öðru leyti en vegna þeirrar hnattrænu hlýnunar sem hann veldur ef hann sleppur út í andrúmsloftið. Ása Berglind sagði að það lægi fyrir að Carbfix hefði sýnt fram á gagnsemi sína í að binda kolefni sem væri nauðsynleg aðgerð til þess að taka á loftslagsvandanum. Carbfix geri ráð fyrir að því sem verður dælt niður verði 99 prósent hreinn koltvísýringur og að snefilefni sem kunni að vera í vökvanum hafi valdi ekki skaða. Staðsetning fyrir förgunar- og móttökustöðina í Ölfusi liggur ekki fyrir. Upplýsingafulltrúi Carbfix sagði við Vísi í síðustu viku að nær hvaða svæði sem er kæmi til greina fyrir borholurnar utan vatnsverndarsvæða í sveitarfélaginu. Móttökustöðin þyrfti annað hvort að vera við höfnina í Þorlákshöfn eða mögulega fyrir utan bæinn. Coda Terminal Loftslagsmál Ölfus Skipulag Mest lesið Nýjar íbúðir seljast verr en aðrar vegna stærðar Viðskipti innlent Munu opna tvö Starbucks-kaffihús í miðborginni Viðskipti innlent Gefur eftir í tollastríði við Kína Viðskipti erlent Ætlar að einbeita sér að Tesla eftir slæmt uppgjör Viðskipti erlent Reynst betur að kaupa fasteign en hlutabréf Viðskipti innlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Notendur þurfi að bregðast við vilji þeir ekki að gögn verði notuð Viðskipti erlent ESB sektar Apple og Meta um rúma hundrað milljarða Viðskipti erlent Bærinn vildi húsið en þurfti svo að borga tvöfalt meira Viðskipti innlent Fleiri fréttir Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Sjá meira
Kynningarfundur um kolefnisförgunarstöðina var haldin í Þorlákshöfn í gær. Þar kynntu framkvæmdastjóri Carbfix og Elliði Vignisson, bæjarstjóri Ölfuss, hugmyndir fyrirtækisins um að taka á móti koltvísýringi frá evrópskum iðnfyrirtækjum og binda hann í jarðlög með tækni sem Carbfix þróaði við Hellisheiðarvirkjun í sveitarfélaginu. Verkefnið er af sama meiði og er til umsagnar í Hafnarfirði en þar hefur það mætt háværri andspyrnu fólks sem hefur fundið því flest til foráttu. Elliði skrifar í aðsendri grein á Vísi í dag að Ölfuss sé í einstrarki stöðu til meta möguleikann á umfangsmeiri starfsemi Carbfix þar sem sveitarfélagið hafi verið virkur þátttakandi í því frá upphafi á Hellisheiði. „Þeir möguleikar verða metnir með hagsmuni íbúa að leiðarljósi,“ skrifar Elliði. Fá íbúa að borðinu strax í upphafi Carbfix hefur dælt koltvísýringi í jörðu við Hellisheiðarvirkjun frá 2012 og segir Elliði að engir vankantar hafi komið upp gagnvart sveitarfélaginu eða náttúrunni á þeim tíma. Mikilvægt sé að varpa ljósi á hvaða áhrif verkefnið kunni að hafa á umhverfið og hvernig tryggt verði að vatnsból og önnur náttúruverðmæti verði varin. Kynningarfundurinn hafi verið fyrsta skrefið í að upplýsa íbúa um verkefnið og engar ákvarðanir hafa enn verið teknar. Viljayfirlýsing á milli sveitarfélagsins, Carbfix, Veitna og hafnarstjórnar Þorlákshafnar verður tekin fyrir á fundi bæjarstjórnar Ölfuss á fimmtudag. Ása Berglind Hjálmarsdóttir, bæjarfulltrúi Íbúalistans og þingmaður Samfylkingarinnar, sagði í kvöldfréttum í gær að viljayfirlýsingin hefði verið unnin í samstarfi við minnihlutann í bæjarstjórn sem hafi meðal annars lagt áherslu á að sveitarfélagið stæði að upplýsingagjöf um verkefnið og að íbúar gætu kallað eftir íbúakosningu. Verkefnið væri á algeru frumstigi og bæjarstjórnin hefði lært margt af svonefndu Heidelberg-máli en íbúar Ölfuss höfnuðu áformum um mölunarverksmiðju á vegum fyrirtækisins í íbúakosningu í vetur. Nú séu íbúar fengnir strax að borðinu og vel verði staðið að allri upplýsingagjöf. Hún sagði ekkert óeðlilegt við að fólk hefði efasemdir um verkefni af svo stórum skala og allir hefðu fylgst vel með umræðunni um Carbfix í Hafnarfirði. „Það sem auðvitað mun ráða afstöðu íbúa hér er hvaða áhrif þetta kemur til með að hafa á íbúa, nærumhverfi og aðra hagaðila sem fyrir eru. Það á allt eftir að koma í ljós,“ sagði Ása Berglind. Sýnt fram á gagnsemi í að binda koltvísýring Bæði í Hafnarfirði og í Ölfusi er ætlunin að taka á móti koltvísýringi á fljótandi formi í móttökustöðvum. Hann yrði svo fluttur með leiðslum til niðurdælingarborholna þar sem honum yrði dælt niður í jarðlög þar sem hann binst nær varanlega. Koltvísýringurinn kæmi frá iðnaðarferlum í Evrópu þar sem erfitt er að koma í veg fyrir losun, en ekki bruna á jarðefnaeldsneyti. Í Hafnarfirði hafa sumir íbúar haldið því fram að til standi að dæla niður „mengun“ frá útlöndum. Koltvísýringurinn er þó ekki hættulegur mönnum að öðru leyti en vegna þeirrar hnattrænu hlýnunar sem hann veldur ef hann sleppur út í andrúmsloftið. Ása Berglind sagði að það lægi fyrir að Carbfix hefði sýnt fram á gagnsemi sína í að binda kolefni sem væri nauðsynleg aðgerð til þess að taka á loftslagsvandanum. Carbfix geri ráð fyrir að því sem verður dælt niður verði 99 prósent hreinn koltvísýringur og að snefilefni sem kunni að vera í vökvanum hafi valdi ekki skaða. Staðsetning fyrir förgunar- og móttökustöðina í Ölfusi liggur ekki fyrir. Upplýsingafulltrúi Carbfix sagði við Vísi í síðustu viku að nær hvaða svæði sem er kæmi til greina fyrir borholurnar utan vatnsverndarsvæða í sveitarfélaginu. Móttökustöðin þyrfti annað hvort að vera við höfnina í Þorlákshöfn eða mögulega fyrir utan bæinn.
Coda Terminal Loftslagsmál Ölfus Skipulag Mest lesið Nýjar íbúðir seljast verr en aðrar vegna stærðar Viðskipti innlent Munu opna tvö Starbucks-kaffihús í miðborginni Viðskipti innlent Gefur eftir í tollastríði við Kína Viðskipti erlent Ætlar að einbeita sér að Tesla eftir slæmt uppgjör Viðskipti erlent Reynst betur að kaupa fasteign en hlutabréf Viðskipti innlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Notendur þurfi að bregðast við vilji þeir ekki að gögn verði notuð Viðskipti erlent ESB sektar Apple og Meta um rúma hundrað milljarða Viðskipti erlent Bærinn vildi húsið en þurfti svo að borga tvöfalt meira Viðskipti innlent Fleiri fréttir Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Sjá meira