Erlent

Þjóð­verjar ganga til kosninga um helgina

Samúel Karl Ólason skrifar
Auglýsingar stjórnmálaflokka má sjá víða í Þýskalandi þessa dagana.
Auglýsingar stjórnmálaflokka má sjá víða í Þýskalandi þessa dagana. AP/Michael Probst

Þjóðverjar ganga til kosninga á sunnudaginn en í gær mættu leiðtogar stærstu stjórnmálaflokkanna í kappræður til að koma lokaskilaboðum sínum áleiðis til kjósenda. Þar tókust leiðtogarnir harkalega á en fjölmiðlar í Þýskalandi segja kjósendur hafa fengið lítið af nýjum upplýsingum og fá svör.

Í grein Berliner Zeitung segir að það hafi vakið sérstaka athygli í umræðunum í gær að málefni farand- og flóttafólks hafi verið nánast hunsað. Það sé gífurlega mikilvæg málefni í augum kjósenda.

Í nýlegri könnun þar sem þýskir kjósendur voru spurðir út í helstu vandamál þýsks samfélags nefndu 77 prósent vaxandi gjá milli ríkra og fátækra. Þá nefndu 63 prósent þeirra að menningarmunur innan Þýskalands væri mikið vandamál.

Kannanir hafa bent til þess að Kristilegir demókratar (CDU/CSU), sem leiddir eru af Friedrich Merz, eigi von á mestu fylgi. Næst stærsti flokkurinn er Valkostur fyrir Þýskaland (AfD). Leiðtogar flestra flokka hafa þó heitið því að starfa ekki með AfD vegna öfgamanna innan flokksins.

Leiðtogar flokksins vilja meðal annars draga verulega úr flæði fólks til Þýskalands, hætta stuðningi við Úkraínu og taka upp bætt samskipti við Rússa. AfD vill einnig að Þýskaland yfirgefi Evrópusambandið og hætti að nota Evruna. Meðlimir flokksins neita veðurfarsbreytingum af mannavöldum og vilja reisa ný kolaorkuver og kjarnorkuver.

Flokkurinn nýtur einnig stuðnings ríkisstjórnar Donalds Trump og Elons Musk, auðugasta manns heims.

AfD er verulega umdeildur flokkur og hefur verið skilgreindur af öryggisstöfnunum í Þýskalandi sem fjar-hægri öfgasamtök.

Eitt helsta baráttumál CDU er einnig að draga úr flæði farand- og flóttafólks til Þýskalands og að lækka skatta. Þeir vilja einnig auka fjárútlát til varnarmála og auka þátttöku Þýskalands í Atlantshafsbandalaginu, samkvæmt yfirliti DW.

Helstu baráttumál Sósíaldemókrata (SPD), flokks kanslarans Olafs Scholz sem er í þriðja sæti í könnunum, eru að fara í umfangsmiklar fjárfestingar í innviðum og reyna að laða erlenda fjárfestingu til Þýskalands. Þá vill flokkurinn einnig setja á auðlegðaskatt.

Þýskaland Kosningar í Þýskalandi

Tengdar fréttir

Bandaríkjastjórn neitar að kalla Rússa „árásaraðila“

Ríkisstjórn Donalds Trump, forseta Bandaríkjanna, stendur í vegi þess að G7 ríkin sendi út sameiginlega yfirlýsingu á þriggja ára afmæli innrásar Rússa í Úkraínu. Trump-liðar eru sagðir þvertaka fyrir að Rússar séu nefndir sem „árásaraðili“ í yfirlýsingunni en Trump hefur á undanförnum dögum haldið því fram að Úkraínumenn beri sjálfir ábyrgð á innrás Rússa.

Skynjar „nýja evrópska staðfestu og alvarleika“ fyrir fundinn í París

Mette Frederikssen, forsætisráðherra Danmerkur, lítur stöðu öryggismála í Evrópu alvarlegum augum og segir nauðsynlegt sé að auka hernaðarstuðning við Úkraínu. Hún kveðst hlakka til að ræða ástandið í Úkraínu og öryggismál í Evrópu við lítinn hóp þjóðhöfðingja og annarra leiðtoga í París á eftir, en Frederiksen er jafnframt fulltúi Íslands á fundinum.

Ný sveit njósnara leiðir skuggastríð Rússa

Skuggastríð Rússa gegn Vesturlöndum er leitt af nýju teymi njósnara hjá leyniþjónustu rússneska hersins (GRU). Þessi hópur er meðal annars talinn hafa sent eldsprengjur um borð í fragtflugvélar og reynt að ráða forstjóra stærsta hergagnaframleiðanda Evrópu af dögum, svo eitthvað sé nefnt.

Húðskammaði ráðamenn í Evrópu

JD Vance, varaforseti Bandaríkjanna, hellti sér yfir leiðtoga Evrópu á öryggisráðstefnu í München í Þýskalandi í dag. Menningarátök voru Vance efst í huga og talaði hann lítið um öryggi á öryggisráðstefnunni.

Fékk að vera áfram í Þýskalandi eftir höfnun

Maðurinn sem ók inn í hóp fólks í München í Þýskalandi í morgun sótti um hæli í Þýskalandi árið 2016. Umsókninni var hafnað en hann fékk þrátt fyrir það undanþágu frá brottvísun.

Mest lesið


Fleiri fréttir

Sjá meira


×

Mest lesið