Handbolti

Frá­bær leikur Andra dugði ekki til

Runólfur Trausti Þórhallsson skrifar
Andri Már Rúnarsson í leik með Leipzig.
Andri Már Rúnarsson í leik með Leipzig. Getty/Jan Woitas

Andri Már Rúnarsson var hreint út sagt magnaður þegar Leipzig mátti þola þriggja marka tap gegn Füchse Berlín, lokatölur 30-33.

Leikurinn var í járnum framan af og staðan jöfn 15-15 í hálfleik. Í þeim síðari reyndust gestirnir sterkari aðilinn og unnu á endanum þriggja marka sigur.

Aðeins tveir menn komu að fleiri mörkum en Andri Már í leiknum. Lucas Witzke skoraði 10 og gaf 9 stoðsendingar í liði Leipzig. Þá skoraði hinn danski Mathias Gidsel 8 mörk ásamt því að gefa 4 stoðsendingar í liði gestanna. Þar á eftir kom Andri Már með 7 mörk og 2 stoðsendingar.

Lærisveinar Rúnars Sigtryggssonar í Leipzig eru í 12. sæti með 17 stig að loknum 21 leik.

Handbolti Þýski handboltinn

Mest lesið


Fleiri fréttir

Sjá meira


×

Mest lesið