Þingkonur þjarma að heilbrigðisráðherra Jakob Bjarnar skrifar 2. apríl 2025 16:12 Sigríður, Ingibjörg og Rósa gerðu allar að umtalsefni, í ræðum sínum, þá vá sem stæði nú fyrir dyrum með lokun Janusar endurhæfingar. En Alma Möller heilbrigðisráðherra bregst ekki við spurningum þeirra. vísir/samsett Í dagskrárliðnum störf þingsins brá svo við að þrjár þingkonur úr ólíkum flokknum gerðu allar að umtalsefni það að ríkið hafi slitið samningi sínum við Janus endurhæfingu. Þær töldu ljóst að Alma Möller heilbrigðisráðherra og ríkisstjórnin öll forðuðust umræðuefnið. Fullyrt var að engin skýr svör hafi borist frá ríkisstjórninni eða Ölmu Möller heilbrigðisráðherra þó eftir því hafi verið leitað, nú í mánuð. Upplýsingaóreiða um málefni Janusar Starfsfólki var tilkynnt um uppsagnirnar í síðustu viku eftir að ljóst var að ekki fengist fjármagn til að halda starfseminni áfram en Janus endurhæfing sinnir geðendurhæfingu ungs fólks á aldrinum 18-30 ára. Að sögn Kristínar Siggeirsdóttur, framkvæmdastjóra Janusar endurhæfingar, eru engin önnur úrræði til á Íslandi sem eru utan stofnana þar sem geðlæknir er í forsvari fyrir þverfaglegt teymi undir sama þaki. Húsnæðið og umhverfið vinnur með endurhæfingaferli einstaklingsins. Ekkert úrræði mun taka á móti þessum viðkvæma og jaðarsetta hópi með sama hætti. Sigríður Á. Andersen Miðflokki sagði að starfsemin hafi verið við lýði undanfarna áratugi en nú beri svo við að samningur verið ekki endurnýjaður. Sigríður Andersen er þingmaður Sjálfstæðisflokksins, sagði upplýsingaóreiðu ríkja um málið.vísir/vilhelm „Eftir að hafa heimsótt þessa endurhæfingu finnst mér upplýsingaóreiða í gangi um þetta mál,“ sagði Sigríður. Hún sagði ekki liggja fyrir hvers vegna ríkið hefur hætt við að styðja þessa þjónustu. „Mér finnst skorta á skilning í velferðarnefnd, þar sem ég sit, að þingmenn hafi áhuga á að fá heilbrigðisráðherra á fund til að ræða þetta mál.“ Næst á eftir Sigríði í pontu var Ingibjörg Isaksen Framsóknarflokki, en hún hefur áður talað um þessi mál í sölum Alþingis. „Við munum hafa hátt“ Ingibjörg sagði kaldhæðnislegt að nú, á degi einhverfra, standi fólk frammi fyrir lokun Janusar endurhæfingu og engin sambærileg lausn sé tilbúin í staðinn. Janus gæti hins vegar sýnt fram á 56 prósenta árangur. Til stæði að flytja starfsemina til Virk þrátt fyrir að sérfræðingar hafi lýst því að þar væri ekki fyrir hendi þekking til að takast á við vandann sem við væri að etja. Ingibjörg Isaksen segir að ef ríkisstjórnin ætli að þegja um málið þá muni stjórnarandstaðan tala og hún muni tala hátt.vísir „Hún er ærandi þögn ríkisstjórnarinnar, stjórnarþingmenn sem hafa talað fyrir þessu málum þegja nú þunnu hljóði,“ sagði Ingibjörg. Hún sagðist ekki fá varist því að hér væri hugmyndafræðileg aðför að Janusi vegna þess að sú starfsemi einkarekin. Ingibjörg sagði fólk hafa reynt allt, en foreldrar væru nú örvæntingarfullir og hræddir um börn sín. Hver ber ábyrgð ef börn lenda milli skips og bryggju? „Ef ríkisstjórnin ætlar að þegja munum við tala. Og við munum hafa hátt,“ sagði Ingibjörg. Engin svör nú í meira en mánuð Sú þriðja sem vildi gera þetta að umtalsefni í ræðu sinni í Störfum þingsins var Rósa Guðbjartsdóttir Sjálfstæðisflokki. Rósa velti því fyrir sér hvort andstaðan við Janus grundvallaðist á hugmyndafræðilegri afstöðu; andstöðu við einkarekstur í heilbrigðisþjónustu.Vísir/HMP Hún vildi gera alvarlegar athugasemdir vegna þeirrar þungu stöðu sem upp væri komin. En hér væri um að ræða starfsemi sem snerti líf og heilsu tuga ungmenna. Rósa benti á að afar mismunandi þarfir væru sem Janus sinnti. „Við höfum ítrekað óskað eftir því, nú í rúman mánuð, að fá fram svör um málefni ungmenna með fjölþættan vanda, en án árangurs. Meirihluti nefndarinnar hafnaði þeirri ósk.“ Rósa viðraði einnig grunsemdir um að þetta snerist um andúð á einkareknum úrræðum í heilbrigðiskerfinu, líkt og Ingibjörg. „Ég neita að trúa því að þingmenn stjórnarflokkanna beri ekki hag þessa fólks fyrir brjósti,“ sagði Rósa. Og óttaðist verulegt bakslag. Alþingi Ríkisstjórn Kristrúnar Frostadóttur Geðheilbrigði Heilbrigðismál Einhverfa Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Sagt að njóta ótruflaðrar ástar í Venesúela Innlent Starfsmaður á Brákarborg grunaður um kynferðisbrot Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent Rekja andlát dóttur að hluta til samsæriskenninga móður Erlent „Mér finnst þeir vera að taka frá mér lífið“ Innlent Bein útsending: Siglt áleiðis til Gasa Erlent Fleiri fréttir Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Sjá meira
Fullyrt var að engin skýr svör hafi borist frá ríkisstjórninni eða Ölmu Möller heilbrigðisráðherra þó eftir því hafi verið leitað, nú í mánuð. Upplýsingaóreiða um málefni Janusar Starfsfólki var tilkynnt um uppsagnirnar í síðustu viku eftir að ljóst var að ekki fengist fjármagn til að halda starfseminni áfram en Janus endurhæfing sinnir geðendurhæfingu ungs fólks á aldrinum 18-30 ára. Að sögn Kristínar Siggeirsdóttur, framkvæmdastjóra Janusar endurhæfingar, eru engin önnur úrræði til á Íslandi sem eru utan stofnana þar sem geðlæknir er í forsvari fyrir þverfaglegt teymi undir sama þaki. Húsnæðið og umhverfið vinnur með endurhæfingaferli einstaklingsins. Ekkert úrræði mun taka á móti þessum viðkvæma og jaðarsetta hópi með sama hætti. Sigríður Á. Andersen Miðflokki sagði að starfsemin hafi verið við lýði undanfarna áratugi en nú beri svo við að samningur verið ekki endurnýjaður. Sigríður Andersen er þingmaður Sjálfstæðisflokksins, sagði upplýsingaóreiðu ríkja um málið.vísir/vilhelm „Eftir að hafa heimsótt þessa endurhæfingu finnst mér upplýsingaóreiða í gangi um þetta mál,“ sagði Sigríður. Hún sagði ekki liggja fyrir hvers vegna ríkið hefur hætt við að styðja þessa þjónustu. „Mér finnst skorta á skilning í velferðarnefnd, þar sem ég sit, að þingmenn hafi áhuga á að fá heilbrigðisráðherra á fund til að ræða þetta mál.“ Næst á eftir Sigríði í pontu var Ingibjörg Isaksen Framsóknarflokki, en hún hefur áður talað um þessi mál í sölum Alþingis. „Við munum hafa hátt“ Ingibjörg sagði kaldhæðnislegt að nú, á degi einhverfra, standi fólk frammi fyrir lokun Janusar endurhæfingu og engin sambærileg lausn sé tilbúin í staðinn. Janus gæti hins vegar sýnt fram á 56 prósenta árangur. Til stæði að flytja starfsemina til Virk þrátt fyrir að sérfræðingar hafi lýst því að þar væri ekki fyrir hendi þekking til að takast á við vandann sem við væri að etja. Ingibjörg Isaksen segir að ef ríkisstjórnin ætli að þegja um málið þá muni stjórnarandstaðan tala og hún muni tala hátt.vísir „Hún er ærandi þögn ríkisstjórnarinnar, stjórnarþingmenn sem hafa talað fyrir þessu málum þegja nú þunnu hljóði,“ sagði Ingibjörg. Hún sagðist ekki fá varist því að hér væri hugmyndafræðileg aðför að Janusi vegna þess að sú starfsemi einkarekin. Ingibjörg sagði fólk hafa reynt allt, en foreldrar væru nú örvæntingarfullir og hræddir um börn sín. Hver ber ábyrgð ef börn lenda milli skips og bryggju? „Ef ríkisstjórnin ætlar að þegja munum við tala. Og við munum hafa hátt,“ sagði Ingibjörg. Engin svör nú í meira en mánuð Sú þriðja sem vildi gera þetta að umtalsefni í ræðu sinni í Störfum þingsins var Rósa Guðbjartsdóttir Sjálfstæðisflokki. Rósa velti því fyrir sér hvort andstaðan við Janus grundvallaðist á hugmyndafræðilegri afstöðu; andstöðu við einkarekstur í heilbrigðisþjónustu.Vísir/HMP Hún vildi gera alvarlegar athugasemdir vegna þeirrar þungu stöðu sem upp væri komin. En hér væri um að ræða starfsemi sem snerti líf og heilsu tuga ungmenna. Rósa benti á að afar mismunandi þarfir væru sem Janus sinnti. „Við höfum ítrekað óskað eftir því, nú í rúman mánuð, að fá fram svör um málefni ungmenna með fjölþættan vanda, en án árangurs. Meirihluti nefndarinnar hafnaði þeirri ósk.“ Rósa viðraði einnig grunsemdir um að þetta snerist um andúð á einkareknum úrræðum í heilbrigðiskerfinu, líkt og Ingibjörg. „Ég neita að trúa því að þingmenn stjórnarflokkanna beri ekki hag þessa fólks fyrir brjósti,“ sagði Rósa. Og óttaðist verulegt bakslag.
Alþingi Ríkisstjórn Kristrúnar Frostadóttur Geðheilbrigði Heilbrigðismál Einhverfa Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Sagt að njóta ótruflaðrar ástar í Venesúela Innlent Starfsmaður á Brákarborg grunaður um kynferðisbrot Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent Rekja andlát dóttur að hluta til samsæriskenninga móður Erlent „Mér finnst þeir vera að taka frá mér lífið“ Innlent Bein útsending: Siglt áleiðis til Gasa Erlent Fleiri fréttir Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Sjá meira