Stórt inngrip í rekstur íþróttafélaga! Jóhanna Dýrunn Jónsdóttir skrifar 7. apríl 2025 11:17 Á ferðum okkar um borgina og raun landið allt blasa við okkur skilti og skjáir. Þessi litli færanlegi oftast kallaður sími, skjárinn í bílnum, auglýsingaskjáir og skilti á verslunum sem og auglýsingaskjáir sem finna má við fjölfarna staði. Hvaðan koma þessi skilti og hver á þau? Á höfuðborgarsvæðinu eru flest skiltin í eigu íþróttafélaga en einhver í einkaeigu húseigenda sem og annara. Þessi skilti skila íþróttafélögunum samanlagt um 100 milljónum á ársgrundvelli inn í reksturinn. Því er óhætt að segja að þau séu lykilbreyta í rekstri íþróttafélaganna í borginni. En nú er óvissa um þessar tekjur félaganna, Vegagerðin hefur sent sveitarfélögum beiðni um að nokkur þessara skilta verði fjarlægð og er það gífurlegt áfall fyrir íþróttir og heilsu barna í viðeigandi hverfum. En hvers vegna skyldi óskað eftir að skitlin séu fjarlægð? Það er ekki vegna fagurfræðilegra sjónarmiða eins og margir gætu ályktað, heldur vegna umferðaröryggis. Engin töluleg gögn um það hafa þó verið lögð fram.. Er nauðsynlegt að fjarlægja skiltin? Sveitarfélögin hafa brugðist við á ólíkan hátt. Skipulagsyfirvöld í Reykjavík brugðust við með því að takmarka skiltin og óskað eftir að slökkt verði á einhverjum þeirra. Í Kópavogi var hafður annar háttur á, þar var haft samband við Eflu verkfræðistofu sem fór í greiningarvinnu á áhrifum skiltana á umferðaröryggi og eru niðurstöður þeirra í beinu samræmi við norrænar rannsóknir sem skrá ekki aukningu á umferðaróhöppum á birtingarsvæði skiltana í sínum heimalöndum. Hefur bærinn því tekið ákvörðun um að skiltin standi áfram. Ef horft er til birtu af skjánum hefur ný tækni verið nýtt til að vinna að birtustýringu auglýsingaskjáa þannig að ekki verður óhófleg birta af skjánum og er hún bein tengd umhverfis birtu í nágrenni skjáanna. Einnig er gætt að því að ekki séu á skjánum hreyfimyndir eða ört skipt svo áreitið sé sem minnst. Enda sýnir tölfræði úr skýrslu Eflu greinilega að hér er vandað til verka og áhrif á umferð ekki teljandi. Skilti ÍR við Árskóga Eitt þeirra skilta sem nú stendur til að slökkt verði á er skilti á vegum ÍR við Árskóga. Skiltið færir félaginu verulegar tekjur eða sem nemur um það bil heilu stöðugildi á ári. Það munar um minna í því umfangi sem felst í að þjóna þeim fjölda barna sem stunda íþróttir hjá ÍR en þau eru í dag hátt í 2000 þvert á greinar. Einnig er þjónusta við eldri borgara, og börn í skólaleikfimi svo eitthvað sé nefnt. Þrátt fyrir rekstrarstyrk frá Reykjavíkurborg til félagsins þá þarf líka að hafa möguleika til að afla eigin tekna og tilmæli um að slökkva á skiltinu heggur verulega í tekjustofn félagsins. Mikill neikvæður fréttaflutningur hefur verið um Breiðholt, hvort sem litið er til einnar lægstu nýtingu frístundastyrks í hlutfalli við önnur hverfi eða þá erfiðleika sem hafa átt sér stað hjá börnum á unglingastigi. Það hlýtur öllum að vera ljóst að það er forgangsmál að tryggja þessum börnum aðgang að hreyfingu og uppbyggilegri samveru og það gerum við ekki svona. Skiltin eru mikilvægur tekjustofn í rekstri íþróttafélaga. Það er dagsljóst að þessi vegferð Vegagerðarinnar leiðir til þess að börn verða af þjónustu sem okkur flestum þykir, réttilega, bæði sjálfsögð og mikilvæg. Skiltin veita okkur oftar en ekki gagnlegar upplýsingar og sumhver birta tíma og hitastig. Þó við flest hver í akandi umferð séum með slíkt í mælaborði bílsins má ekki gleyma því að fleiri faramótar eru á ferð í borginni. Einnig hafa umsjónarmenn þessara skilta, lagt sitt á vogarskálarnar þegar það kemur að nærsamfélaginu. Ef um viðburði lítilla leikfélaga eða söfnunarátak í góðgerðarmálum eru birtingar oft boðnar án endurgjalds. Einnig má þar finna verkefni sem birtir reglulega orð og mynd á íslensku og vísar í forrit sem nýtt er til að kenna íslensku og auka lesfærni. Í kjölfar þeirra auglýsinga hefur viðkomandi kerfi verið sett upp á flestar spjaldtölvur grunnskólana í Reykjavík. Ekki má gleyma Auglýsingahlé sem í upphafi hvers árs síðastliðin 5 ár hefur birt verk eftir ólíka listamenn. Þykir greinarhöfundi hléið skemmtilegt upphaf á nýju ár og listaverkin oftar en ekki kynning á nýjum listamönnum. Verkin vekja forvitni og gleði og oftar en ekki verður umfjöllun og umræður um verkin töluverð. Er það mikilvægur liður í að styðja við skapandi greinar. Stöldrum við og hugsum þetta aðeins betur Hæpið verður að telja að skiltin séu í of miklum mæli í borgarlandinu, þau skili sannarlega sínum tilgangi, styrkja við íþróttafélög og styðji þannig við að bæta líf borgarbúa og jafnvel auðga þegar litið er til fjölda þeirra samfélagsverkefna sem fengið hafið að nýta skiltin til að miðla hvort sem er vitundarvakningu, söfnunum já eða listasýningum. Þar af leiðandi hef ég óskað eftir að málið verði tekið fyrir á fundi Borgarstjórnar nú 8 apríl og vonast til þess að í kjölfarið verði komið í veg fyrir rothögg á heilsu ungra barna í stærsta hverfi Reykjavíkur. Höfundur er varaborgarfulltrúi Viðreisnar í Reykjavík. Viltu birta grein á Vísi? Sendu okkur póst. Senda grein Auglýsinga- og markaðsmál ÍR Viðreisn Borgarstjórn Reykjavík Jóhanna Dýrunn Jónsdóttir Mest lesið Skattaferðalandið Ísland Björn Ragnarsson Skoðun Lýðræði eða hópeinelti? Margrét Pétursdóttir,Þórarinn Haraldsson,Þórdís Guðjónsdóttir,Sigurveig Benediktsdóttir Skoðun Öryggisgæslu í Mjódd, núna, takk fyrir! Helgi Áss Grétarsson Skoðun Erum við ennþá hrædd við Davíð Oddsson? Magnús Árni Skjöld Magnússon Skoðun Ríkisstjórnin ræðst gegn launafólki og atvinnulausum Finnbjörn A. Hermannson Skoðun Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson Skoðun Einkavæðing orkunnar, skattasniðganga og lífeyrissjóðir Ögmundur Jónasson Skoðun Eru álverin á Íslandi útlensk? Guðríður Eldey Arnardóttir Skoðun Saman getum við komið í veg fyrir slag Alma D. Möller Skoðun Skjáheimsókn getur dimmu í dagsljós breytt Auður Guðmundsdóttir Skoðun Skoðun Skoðun Borgarstefna kallar á aðgerðir og fjármagn Ásthildur Sturludóttir skrifar Skoðun Skjáheimsókn getur dimmu í dagsljós breytt Auður Guðmundsdóttir skrifar Skoðun Eru álverin á Íslandi útlensk? Guðríður Eldey Arnardóttir skrifar Skoðun Öryggisgæslu í Mjódd, núna, takk fyrir! Helgi Áss Grétarsson skrifar Skoðun Erum við ennþá hrædd við Davíð Oddsson? Magnús Árni Skjöld Magnússon skrifar Skoðun Saman getum við komið í veg fyrir slag Alma D. Möller skrifar Skoðun Lýðræði eða hópeinelti? Margrét Pétursdóttir,Þórarinn Haraldsson,Þórdís Guðjónsdóttir,Sigurveig Benediktsdóttir skrifar Skoðun Blóðtaka er ekki landbúnaður Guðrún Scheving Thorsteinsson,Rósa Líf Darradóttir skrifar Skoðun Svar til stjórnunarlegs ábyrgðarmanns frá Keflavík Soffía Sigurðardóttir skrifar Skoðun Ríkisstjórnin ræðst gegn launafólki og atvinnulausum Finnbjörn A. Hermannson skrifar Skoðun 764/O9A: Kannt þú að vernda barnið á netinu? Anna Bergþórsdóttir skrifar Skoðun Opinberir starfsmenn kjósa síður áminningarskyldu Ísak Einar Rúnarsson skrifar Skoðun Einkavæðing orkunnar, skattasniðganga og lífeyrissjóðir Ögmundur Jónasson skrifar Skoðun Er gervigreindarprestur trúlaus eða trúaður? Björgmundur Örn Guðmundsson skrifar Skoðun Skattaferðalandið Ísland Björn Ragnarsson skrifar Skoðun Til hamingju Víkingur Heiðar! Halla Hrund Logadóttir skrifar Skoðun Sjálfbærni með í för – Vegagerðin stígur skref í átt að loftslagsvænni framkvæmdum Hólmfríður Bjarnadóttir skrifar Skoðun Þegar krónur skipta meira máli en velferð barna: Ástæður þess að enginn bauð í skólamáltíðir í Hafnarfirði Jón Ingi Hákonarson skrifar Skoðun Líf eftir afplánun – þegar stuðningur gerir frelsið raunverulegt Steinunn Ósk Óskarsdóttir skrifar Skoðun Á hvorum endanum viljum við byrja að skera af? Davíð Már Sigurðsson skrifar Skoðun Þegar krónur skipta meira máli en velferð barna Jón Ingi Hákonarson skrifar Skoðun Bakslag í opinberri þróunarsamvinnu Gunnar Salvarsson skrifar Skoðun Fyrirmyndar forvarnarstefna í Mosfellsbæ Kjartan Helgi Ólafsson skrifar Skoðun Hvernig léttum við daglega lífið þitt? Einar Geir Þorsteinsson skrifar Skoðun Kína mun ekki bjarga Vesturlöndum að þessu sinni Sæþór Randalsson skrifar Skoðun Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson skrifar Skoðun Átta mýtur klesstar inn í raunveruleikann - hvað er satt og hvað er logið um gervigreindina? Sigvaldi Einarsson skrifar Skoðun Glerbrotin í ryksugupokanum Kristín Kolbrún Waage Kolbeinsdóttir skrifar Skoðun Túrverkir og hitakóf – má ræða það í vinnunni? Já endilega! Katrín Björg Ríkarðsdóttir skrifar Skoðun Draghi-skýrslan og veikleikar Íslands Pawel Bartoszek skrifar Sjá meira
Á ferðum okkar um borgina og raun landið allt blasa við okkur skilti og skjáir. Þessi litli færanlegi oftast kallaður sími, skjárinn í bílnum, auglýsingaskjáir og skilti á verslunum sem og auglýsingaskjáir sem finna má við fjölfarna staði. Hvaðan koma þessi skilti og hver á þau? Á höfuðborgarsvæðinu eru flest skiltin í eigu íþróttafélaga en einhver í einkaeigu húseigenda sem og annara. Þessi skilti skila íþróttafélögunum samanlagt um 100 milljónum á ársgrundvelli inn í reksturinn. Því er óhætt að segja að þau séu lykilbreyta í rekstri íþróttafélaganna í borginni. En nú er óvissa um þessar tekjur félaganna, Vegagerðin hefur sent sveitarfélögum beiðni um að nokkur þessara skilta verði fjarlægð og er það gífurlegt áfall fyrir íþróttir og heilsu barna í viðeigandi hverfum. En hvers vegna skyldi óskað eftir að skitlin séu fjarlægð? Það er ekki vegna fagurfræðilegra sjónarmiða eins og margir gætu ályktað, heldur vegna umferðaröryggis. Engin töluleg gögn um það hafa þó verið lögð fram.. Er nauðsynlegt að fjarlægja skiltin? Sveitarfélögin hafa brugðist við á ólíkan hátt. Skipulagsyfirvöld í Reykjavík brugðust við með því að takmarka skiltin og óskað eftir að slökkt verði á einhverjum þeirra. Í Kópavogi var hafður annar háttur á, þar var haft samband við Eflu verkfræðistofu sem fór í greiningarvinnu á áhrifum skiltana á umferðaröryggi og eru niðurstöður þeirra í beinu samræmi við norrænar rannsóknir sem skrá ekki aukningu á umferðaróhöppum á birtingarsvæði skiltana í sínum heimalöndum. Hefur bærinn því tekið ákvörðun um að skiltin standi áfram. Ef horft er til birtu af skjánum hefur ný tækni verið nýtt til að vinna að birtustýringu auglýsingaskjáa þannig að ekki verður óhófleg birta af skjánum og er hún bein tengd umhverfis birtu í nágrenni skjáanna. Einnig er gætt að því að ekki séu á skjánum hreyfimyndir eða ört skipt svo áreitið sé sem minnst. Enda sýnir tölfræði úr skýrslu Eflu greinilega að hér er vandað til verka og áhrif á umferð ekki teljandi. Skilti ÍR við Árskóga Eitt þeirra skilta sem nú stendur til að slökkt verði á er skilti á vegum ÍR við Árskóga. Skiltið færir félaginu verulegar tekjur eða sem nemur um það bil heilu stöðugildi á ári. Það munar um minna í því umfangi sem felst í að þjóna þeim fjölda barna sem stunda íþróttir hjá ÍR en þau eru í dag hátt í 2000 þvert á greinar. Einnig er þjónusta við eldri borgara, og börn í skólaleikfimi svo eitthvað sé nefnt. Þrátt fyrir rekstrarstyrk frá Reykjavíkurborg til félagsins þá þarf líka að hafa möguleika til að afla eigin tekna og tilmæli um að slökkva á skiltinu heggur verulega í tekjustofn félagsins. Mikill neikvæður fréttaflutningur hefur verið um Breiðholt, hvort sem litið er til einnar lægstu nýtingu frístundastyrks í hlutfalli við önnur hverfi eða þá erfiðleika sem hafa átt sér stað hjá börnum á unglingastigi. Það hlýtur öllum að vera ljóst að það er forgangsmál að tryggja þessum börnum aðgang að hreyfingu og uppbyggilegri samveru og það gerum við ekki svona. Skiltin eru mikilvægur tekjustofn í rekstri íþróttafélaga. Það er dagsljóst að þessi vegferð Vegagerðarinnar leiðir til þess að börn verða af þjónustu sem okkur flestum þykir, réttilega, bæði sjálfsögð og mikilvæg. Skiltin veita okkur oftar en ekki gagnlegar upplýsingar og sumhver birta tíma og hitastig. Þó við flest hver í akandi umferð séum með slíkt í mælaborði bílsins má ekki gleyma því að fleiri faramótar eru á ferð í borginni. Einnig hafa umsjónarmenn þessara skilta, lagt sitt á vogarskálarnar þegar það kemur að nærsamfélaginu. Ef um viðburði lítilla leikfélaga eða söfnunarátak í góðgerðarmálum eru birtingar oft boðnar án endurgjalds. Einnig má þar finna verkefni sem birtir reglulega orð og mynd á íslensku og vísar í forrit sem nýtt er til að kenna íslensku og auka lesfærni. Í kjölfar þeirra auglýsinga hefur viðkomandi kerfi verið sett upp á flestar spjaldtölvur grunnskólana í Reykjavík. Ekki má gleyma Auglýsingahlé sem í upphafi hvers árs síðastliðin 5 ár hefur birt verk eftir ólíka listamenn. Þykir greinarhöfundi hléið skemmtilegt upphaf á nýju ár og listaverkin oftar en ekki kynning á nýjum listamönnum. Verkin vekja forvitni og gleði og oftar en ekki verður umfjöllun og umræður um verkin töluverð. Er það mikilvægur liður í að styðja við skapandi greinar. Stöldrum við og hugsum þetta aðeins betur Hæpið verður að telja að skiltin séu í of miklum mæli í borgarlandinu, þau skili sannarlega sínum tilgangi, styrkja við íþróttafélög og styðji þannig við að bæta líf borgarbúa og jafnvel auðga þegar litið er til fjölda þeirra samfélagsverkefna sem fengið hafið að nýta skiltin til að miðla hvort sem er vitundarvakningu, söfnunum já eða listasýningum. Þar af leiðandi hef ég óskað eftir að málið verði tekið fyrir á fundi Borgarstjórnar nú 8 apríl og vonast til þess að í kjölfarið verði komið í veg fyrir rothögg á heilsu ungra barna í stærsta hverfi Reykjavíkur. Höfundur er varaborgarfulltrúi Viðreisnar í Reykjavík.
Lýðræði eða hópeinelti? Margrét Pétursdóttir,Þórarinn Haraldsson,Þórdís Guðjónsdóttir,Sigurveig Benediktsdóttir Skoðun
Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson Skoðun
Skoðun Lýðræði eða hópeinelti? Margrét Pétursdóttir,Þórarinn Haraldsson,Þórdís Guðjónsdóttir,Sigurveig Benediktsdóttir skrifar
Skoðun Sjálfbærni með í för – Vegagerðin stígur skref í átt að loftslagsvænni framkvæmdum Hólmfríður Bjarnadóttir skrifar
Skoðun Þegar krónur skipta meira máli en velferð barna: Ástæður þess að enginn bauð í skólamáltíðir í Hafnarfirði Jón Ingi Hákonarson skrifar
Skoðun Líf eftir afplánun – þegar stuðningur gerir frelsið raunverulegt Steinunn Ósk Óskarsdóttir skrifar
Skoðun Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson skrifar
Skoðun Átta mýtur klesstar inn í raunveruleikann - hvað er satt og hvað er logið um gervigreindina? Sigvaldi Einarsson skrifar
Skoðun Túrverkir og hitakóf – má ræða það í vinnunni? Já endilega! Katrín Björg Ríkarðsdóttir skrifar
Lýðræði eða hópeinelti? Margrét Pétursdóttir,Þórarinn Haraldsson,Þórdís Guðjónsdóttir,Sigurveig Benediktsdóttir Skoðun
Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson Skoðun