Rosengård vann leikinn, 2-1, og komst þar með aftur á sigurbraut. Í síðustu umferð steinlá liðið fyrir Hammarby, 4-0.
Meistarar Rosengård eru í 4. sæti deildarinnar með níu stig. Kristianstad er í 10. sætinu með þrjú stig.
Guðrún Arnardóttir var á sínum stað í vörn Rosengård og á 26. mínútu lagði hún upp mark fyrir Beu Sprung. Snemma í seinni hálfleik kom Oona Sevenius heimakonum svo í 2-0.
Gestirnir gáfust ekki upp og á 75. mínútu lagði Katla Tryggvadóttir upp mark fyrir Beatu Olsson. Skömmu síðar var Katla, sem er fyrirliði Kristianstad, tekin af velli.
Þrátt fyrir góðan vilja tókst Kristianstad ekki að jafna og Rosengård fagnaði sigri. Guðný Árnadóttir og Alexandra Jóhannsdóttir léku allan leikinn fyrir Kristianstad. Ísabella Sara Tryggvadóttir sat allan tímann á varamannabekknum hjá Rosengård.
