Maður leiksins fékk lifandi lamb í verð­laun

Bryna tók á móti Haugesund á öðrum degi páska en þetta var þriðja umferð norsku deildarinnar.

Bryne vann leikinn 3-1 en þetta var fyrsti deildarsigur liðsins á leiktíðinni.

Að þessu sinni voru verðlaunin fyrir mann leiksins lifandi lamb.

Axel Kryger skoraði fyrsta mark Bryne í leiknum, fékk þessi verðlaun og þar með lamb í fangið í leikslok.

„Þetta er eitthvað nýtt. Þeir finna alltaf upp á einhverju nýju. Þetta er svalt og kemur félaginu í heimsfréttirnar,“ sagði Axel Kryger léttur við NRK.

Bryne hafði verðlaunað mann leiksins í fyrsta heimaleiknum með fjórum bökkum af eggjum og í útileik í bikarnum á móti nágrönnum sínum voru verðlaunin dautt svín í heilu lagi. Þá ætluðu nágrannarnir þeirra að slá þeim við.

Nú verður spennandi að sjá hver verðlaunin verða í næsta heimaleik en þá koma Molde menn í heimsókn í sveitasæluna í Bryne.