Þetta er ekki besti maraþontími sögunnar hjá konum heldur er um að ræða besta tíma sem náðst hefur í hlaupi þar sem aðeins konur eru meðal keppenda. Assefa hefur til að mynda sjálf hlaupið hraðar og átti heimsmetið áður en Ruth Chepng'etich frá Kenía sló henni við og er heimsmet hennar 2:09:56 klukkustundir.
Sigurtími Assefa í gær fer samt í sögubækurnar eins og fyrr segir en hún virtist þó ruglast örlítið þegar hún nálgaðist endamarkið og stefndi í ranga átt þegar brautarvörður beindi henni í rétta átt.
Þetta má einnig sjá á myndbandi af lokasprettinum hjá Assefu sem má sjá hér að neðan.
OUR OWN PRIDE, TIGST ASSEFA HAS MADE HISTORY!
— Hamiltan (@Hamilt_An) April 28, 2025
.
.
Today at the 2025 London Marathon, she shattered the women’s-only world record with a breathtaking 2:15:50!
🏆 Women’s Elite Results:
1st: Tigst Assefa (ETH) –
2:15:50
2nd: Joyciline Jepkosgei (KEN) –2:18:44
3rd: Sifan Hassan… pic.twitter.com/s9vxSrDaR2
Assefa, sem fékk silfur á Ólympíuleikunum í París í fyrra, stakk Joyciline Jepkosgei af þegar um tíu kílómetrar voru eftir af hlaupinu í gær og endaði um þremur mínútum á undan henni. Ólympíumeistarinn Sifan Hassan frá Hollandi hlaut svo bronsverðlaunin.
Hjá körlunum kom Sebastian Sawe frá Kenía fyrstur í mark á 2:02:27 klukkutímum. Þetta var í fyrsta sinn sem þessi 29 ára kappi tekur þátt í Lundúnamaraþoninu en hann vann einnig Valencia-maraþonið í desember síðastliðnum á nánast nákvæmlega sama tíma.