Veður

Sól­ríkt og fremur hlýtt í dag

Magnús Jochum Pálsson skrifar
Vonandi getur fólk setið úti í dag í sólinni.
Vonandi getur fólk setið úti í dag í sólinni. Vísir/Vilhelm

Víða má gera ráð fyrir sólríku veðri og hægum vindi á landinu í dag. Yfirleitt fremur hlýtt að deginum og hiti á bilinu níu til fjórtán stig. Svalara austast á landinu og suðaustantil verður skýjað og lítilsháttar væta á stöku stað.

Þetta kemur fram í hugleiðingum veðurfræðings um veðrið á landinu í dag. Góða veðrið orsakast af því að hæðarhryggur liggur yfir landinu.

„Í kvöld snýst í sunnanátt og þá þykknar smám saman upp vestanlands. Á morgun er útlit fyrir sunnan og suðvestan stinningsgolu eða strekking og dálitla vætu með köflum, en að mestu bjart eystra og þar hlýnar í veðri,“ segir um veðrið í kvöld og á morgun.

Veðurhorfur á landinu næstu daga

Á mánudag: Suðlæg átt, 5-13, hvassast vestantil og rigning með köflum, en þurrt að kalla norðaustanlands. Hiti sjö til fimmtán stig, hlýjast á Norðausturlandi.

Á þriðjudag: Sunnan og suðvestan 8-15 með rigningu eða skúrum, en yfirleitt hægari og bjart með köflum eystra. Hiti breytist lítið.

Á miðvikudag: Suðvestan 8-13 og víða rigning eða skúrir. Hiti fjögur til fimmtán stig, svalast norðvestantil.

Á fimmtudag: Útlit fyrir ákveðna suðvestlæga átt með skúrum eða slydduéljum um landið vestanvert, en þurrt að kalla fyrir austan. Kólnar í veðri.

Á föstudag: Útlit fyrir ákveðna suðvestlæga átt með skúrum um landið vestanvert, en þurrt að kalla fyrir austan. Kólnar í veðri.




Fleiri fréttir

Sjá meira


×