Lífið

Allt að verða klárt fyrir Sjó­manna­daginn

Lovísa Arnardóttir skrifar
Sjómannadagurinn verður haldinn hátíðlegur um land allt á morgun.
Sjómannadagurinn verður haldinn hátíðlegur um land allt á morgun. Aðsend

Undirbúningur er nú í fullum gangi við höfnina í Reykjavík þar sem hátíðarhöld vegna Sjómannadagsins í Reykjavík fara fram á morgun. Verið er að setja upp tvö svið, tjöld, leiksvæði, klifurvegg og fleira og fleira.

„Það er allt á útopnu í undirbúningi sjómannadagsins víða um land og við erum að gera allt klárt úti a Granda fyrir þær fjölskyldur sem vilja koma og fagna með sjómönnum,“ segir Aríel Pétursson, formaður Sjómannadagsráðs.

Það er unnið í allan dag svo fólk geti skemmt sér á morgun. Aðsend

Nefndin leggur í ár að hans sögn mikla áherslu á að hátíðargestir kynnist sjómennsku, sjávarútvegi og höfninni í gegnum leik og fræðslu

„Svo er mikið framboð af annars konar afþreyingu. Það verður hægt er að skella sér í siglingu með varðskipi Landhelgisgæslunnar frá Ægisgarði, við hvalveiðiskipin, og skella sér svo út á grandagarð í hátíðarhöldin, þar sem skoða má furðufiska, smíða sér bát, sjá VÆB bræður, Birni, Jóhönnu Guðrúnu, leikhópa ýmis konar og svo fylgjast með hraustum krökkum keppa í klifri yfir haffletinum. Sjáumst hress á morgun,“ segir Aríel.

Það verður nóg um að vera á Granda á morgun. Aðsend

Hátíðarhöldin í Reykjavík hefjast með skrúðgöngu klukkan 12:30 þar sem gengið verður frá Hörpu að hátíðarsvæðinu. Dagskrá má finna á heimasíðu sjómannadagsins í Reykjavík.

Sjávarútvegur Sjómannadagurinn


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.