Innlent

Alda María nýr for­maður Heim­dallar

Lovísa Arnardóttir skrifar
Júlíus Viggó, fráfarandi formaður, og Alda María, nýr formaður Heimdallar.
Júlíus Viggó, fráfarandi formaður, og Alda María, nýr formaður Heimdallar. Aðsend

Alda María Þórðardóttir var sjálfkjörin formaður Heimdallar, félags ungra sjálfstæðismanna í Reykjavík, á aðalfundi félagsins í Valhöll í kvöld.

Í tilkynningu kemur fram að Alda María hafi á liðnu starfsári verið viðburðarstjóri Heimdallar auk þess að hafa gegnt varaformennsku í Vöku, félagi lýðræðissinnaðra stúdenta við Háskóla Íslands.

„Ég vil þakka fráfarandi stjórn fyrir frábært samstarf og ekki síst Júlíusi fyrir vel unninn störf seinustu tvö ár sem formaður Heimdallar. Tilhlökkunin er mikil fyrir komandi starfsári og hlakka ég til að vinna með nýrri og öflugri stjórn,“ segir Alda María Þórðardóttir í tilkynningu.

Þar kemur einnig fram að Júlíus Viggó Ólafsson hafi verið sæmdur silfurmerki Heimdallar fyrir störf sín í þágu félagsins á fundinum.

„Það er mér mikill heiður að hafa fengið að leiða þetta merka félag okkar undanfarin tvö ár. Ég er stoltur af því verki sem ég skil eftir mig og ber fullt traust til Öldu Maríu og stjórnarinnar sem tekur nú við keflinu. Heimdallur er öflugasta félag ungra sjálfstæðismanna á landinu og mun halda áfram að vaxa og dafna undir nýrri forystu,“ segir Júlíus Viggó Ólafsson.

Stjórn Heimdallar fyrir starfsárið 2025-2026 er eftirfarandi:

Alda María Þórðardóttir, formaður

Oliver Einar Nordquist, varaformaður

Geir Zoega

Stephanie Sara Drífudóttir

Hólmfríður Kolbrún Gunnarsdóttir

Magnús Daði Eyjólfsson

Katrín Anna Karlsdóttir

Eiríkur Kúld Viktorsson

Erna Birgisdóttir

Bríet Járngerður Unnardóttir

Þórdís Katla Einarsdóttir

Viktor Orrason

Þór Trausti Steingrímsson

Kristján Dagur Jónsson

Ari Björn Björnsson

Leifur Steinn Gunnarsson

Tómas Orri Tryggvason

Anna Fríða Ingvarsdóttir




Fleiri fréttir

Sjá meira


×