Haaland: Ég mun spila bæði á HM og á EM

Norðmenn hafa ekki verið með stórmóti karla í fótbolta síðan 2000 og ekki með á heimsmeistaramóti síðan 1998. Liðið vann hins vegar 3-0 sigur á Ítölum í fyrsta leik undankeppni HM 2026 í gær og það stefnir því í það að þeir endi loksins þessa bið síðan.

Erling Braut Haaland hefur unnið allt með félagsliðum sínum. Hann innsiglaði sigurinn með þriðja markinu og var kátur í leikslok.

„Þetta var rosalega gaman þannig að ég kvarta ekki mikið í dag,“ sagði Haaland við TV2 eftir leikinn. Hann er á því að norska landsliðið verði að komast á HM.

„Við erum alltof góðir til að keppa ekki á stórmótum. Ég mun spila bæði á HM og á EM. Ég er ekki að setja pressu á sjálfan en ég ætla að spila á HM,“ sagði Haaland.

Haaland er fæddur 21. júlí 2000 en síðasti leikur Norðmanna á stórmóti var á Evrópumótinu í Hollandi og Belgíu nákvæmlega einum mánuði áður. Norðmenn hafa því aldrei verið með á stórmóti á meðan hann hefur verið á lífi.

Þetta var 41. mark Haaland fyrir norska landsliðið en það kom í landsleik númer 42. Hann hefur fyrir nokkru bætt markamet norska landsliðsins.