Fótbolti

Eng­lendingar enn með fullt hús stiga

Hjörtur Leó Guðjónsson skrifar
Harry Kane skoraði sitt 72. landsliðamark í dag.
Harry Kane skoraði sitt 72. landsliðamark í dag. Judit Cartiel/Getty Images

Harry Kane skoraði eina mark Englands er liðið vann 0-1 sigur gegn Andorra í undankeppni HM í dag.

Fyrir leik dagsins höfðu Englendingar aldrei unnið Andorra með minna en tveggja marka mun, en liðið lét sér nægja eitt mark í dag.

Harry Kane kom enska liðinu yfir snemma í síðari hálfleik eftir undirbúning Noni Madueke og þar við sat. 

Niðurstaðan því 0-1 sigur Englands sem trónir á toppi K-riðils með níu stig af níu mögulegum, en Andorra situr sem fastast á botninum, án stiga.

Á sama tíma vann Bosnía 1-0 sigur gegn San Maríno í H-riðli og í G-riðli gerðu Malta og Litháen markalaust jafntefli.

HM 2026 í fótbolta

Mest lesið


Fleiri fréttir

Sjá meira


×

Mest lesið