Slökktu eld á svölum á fjórðu hæð í Engihjalla

Varðstjóri hjá slökkviliðinu sagði í samtali við fréttastofu rétt fyrir eitt að tilkynning hefði borist fyrir skömmu og slökkvilið væri nýkomið á vettvang. 

Uppfært klukkan 13:10:

Slökkviliðið slökkti eldinn upp úr 13 og er nú að reykræsta íbúðina.

„Þetta var eldur á svölum, fór aðeins reykur inn í íbúðina og það var enginn inni í íbúðinni. Þannig það var ekki hætta á neinu fólki eða svoleiðis,“ sagði Steinþór Darri Þorsteinsson, innivarðstjóri slökkviliðs höfuðborgarsvæðisins, í samtal við fréttastofu upp úr 13.

Eldsupptök eru enn óþekkt.

Fréttin hefur verið uppfærð.