„Mamma! Segja á­fram!“

Þáttinn má sjá hér að neðan en hann var sýndur á Sýn Sport í gærkvöld og er aðgengilegur á Sýn+ eins og fyrri þáttaraðir.

Það var svo sannarlega stuð á Selfossi þegar stelpur úr fjölda liða nutu þess að spila fótbolta, fagna flottum mörkum og markvörslum, og sprella utan vallar.

Og þær pössuðu upp á að mamma og pabbi væru með á nótunum: „Mamma! Segja áfram!“ kallaði öflugur markvörður Breiðabliks í miðjum leik, vel meðvituð um að góður stuðningur getur gert gæfumuninn í jöfnum leikjum.

Andri Már ræddi við hana og fjölda fleiri stelpna sem áttu það sameiginlegt að brosa framan í heiminn, sama hvernig fór innan vallar.

Þetta er fyrsti þáttur sumarsins og verða Sumarmótin áfram á sínum stað á Sýn Sport.