Ís­land, þvert á flokka kærir þrjú fyrir hatur­sorðræðu

„Einn þeirra er þingmaður. Ása Berglind Hjálmarsdóttir Samfylkingu. Hún sagði þennan hóp sem var á Austurvelli 31. maí, hún er þingkona Samfylkingarinnar þessi unga kona, sem vildi nýta tjáningarfrelsið ættuð að íhuga að finna ykkur eigin fána því íslenski fáninn er sannarlega ekki merki sem þið getið boðið,“ segir Sigfús í samtali við Vísi.

Sigfús segir að í framhaldi af því hafi Ása Berglind sagt að enginn megi óvirða þjóðfánann hvorki í orði eða verki.

„Okkur sé ekki heimilt að nota þjóðfánann og ala á kynþáttamisrétti. íslenski fáninn væri áberandi þar sem rasistar komu fram. Þetta teljum við hatursorðræðu. Þetta er heill þingmaður.“

Alvarlegt að framkvæmdastjóri Geðhjálpar saki aðra um fasisma

Svo er það Grímur Atlason framkvæmdastjóri Geðhjálpar sem fær kæru frá Íslandi, þvert á flokka.

„Já, hann fór óförgum orðum um ungan dreng, Brynjar Barkason, ClubDubdrenginn sjálfan. Þá orðræðu má finna hér og þar, hann sagði svo margt. Hann vístaði meðal annar til að mynd til tölunnar 18, fjöldi hefðu mætt á túnblett og klappað fyrir þessu fjandsamlega samsærissulli. 

Þá segir hann líka að hann virðist nokkuð vel skólaður í nýnasisma. Eins og þú kannski veist er Grímur Atlason vinnur hjá Geðhjálp sem ætti síst að vera að atyrða fólk, þar sem Geðhjálp er að stærstum hluta styrkt af ríkinu.“

Grímur skrifaði pistil á Facebook sem sjá má hér að ofan sem fékk gríðarlegar undirtektir og mikla dreifingu.

Telja óásættanlegt að setja fánann í rasískt samhengi

Og svo er ein kæra til. Sigfús segir að þau viti í raun ekki mikið um þá konu en hún fari um samfélagsmiðla og troði illsakir við mann og annan.

„Hún er Sigrún Þula Jónsdóttir, ég veit ekki hvort hún er ung eða gömul en hún hafði að mínu mati ekki mjög fögur orð á síðu sinni á Facebook. Hún fær þetta á sig núna. Hún sagði að Sigfús væri svona eðalrasisti, gamall karl með erlenda konu, sem borgaði fyrir að giftast sér!

En hann hati flóttafólk. Sko, það er óþarfi að draga konuna mína inn í þetta og óþarfi að uppnefna fólk. En þetta fór víða.“

Að sögn Sigfúsar er lögmaður samtakanna Logi Kjartansson. Hann segist auðvitað vita hvernig þessi mál fari oft fyrir dómsstólum, og er þá að vísa til þess að dómsstólar hygli oft fólki sem kemur úr ákveðinni átt. En það sé kominn tími til að þau fái að kynnast eigin meðölum.

„Maður hefur lesið Sigrúnu Þulu en hún fer um víðan völl, síðast í gær var hún með munnsöfnuð um erlenda konu. Hún hefði gott af því að svara fyrir þetta. Tók smá stund að ákveða þetta, en hvernig þetta fer og hvert þetta leiðir er næsta vers.“

En er Ísland þvert á flokka ekki að beita sömu meðölum og það þykist vera að gagnrýna, sem sagt þöggun með fulltingi hins opinbera -  dómsstóla?

„Ekki margir sem hafa sett sig á móti orðræðu sem Góða fólkið hefur um hina. Það var tekin ákvörðun um að þau fengju að skoða eigin meðöl.“

Við virðum fánann

Að sögn Sigfúsar er búið að leggja málin inn sem sakamálakröfur, þetta hafi farið inn á föstudag og þar fari þetta í hefðbundið ferli.

„Við sjáum hvert það leiðir. Það er öllum heimilt að nota fánann,“ segir Sigfús. Ekki sé rétt að hann sé merki þessa hóps. Við virðum fánann og teljum að það eigi að flagga honum sem mest, hann er okkar allrar. Hann hefur lotið í lægra haldi fyrir fáeinum öðrum aðilum en við viljum koma honum áfram. Og vonum að honum verði flaggað sem víðast á morgun.“

Spurður um mætingu á þessa tvo fundi sem hafa verið haldnir segir Sigfús að menn séu ekki á eitt sáttir, menn töldu þetta svipað eða ívið fleiri.

„Hópurinn dreifðist gríðarlega. Það voru einhverjar myndir teknar og mönnum ber ekki saman. En við teljum að það hafi verið ekki færri, ívið fleiri ef eitthvað. Við viljum að á okkur verði hlustað og tekið mark á því sem við erum að tala fyrir. En menn hafa verið feimnir að láta þá skoðun sína í ljós.“

Lögreglu að ákveða hver viðurlögin eru

Til stendur að halda áfram með mótmælafundi, á hálfsmánaðarfresti.

„Við erum í sumarfrístíma, útskriftartíma. Við viljum gefa fólki færi á að leyfa fólki að koma og verða sjáanleg aftur í lok mánaðarins.“

Kröfurnar sem settar eru fram á hendur þremenningunum liggja ekki fyrr. Sigfús segir þau ekki vera á höttunum eftir peningum frá þeim.

„Bara að þau beri einhverja ábyrgð á því sem þau segja. Krafan er eiginlega að þau sæti refsingu sem er samkvæmt lagaákvæðum. Að lögreglan taki ummælin til rannsóknar og löggjafarvaldið taki í kjölfarið ákvörðun um hvað megi heita tilhlýðileg krafa um refsingu fyrir dómi.“