Þóra um hártogið í Bestu: „Þetta er bara botnhegðun“

Leikmaður Fram komst þá upp með það að toga andstæðing niður í grasið á hárinu.

„Það var atvik í þessum leik og það er ekki hægt að fara frá honum án þess að kíkja á hártogið,“ sagði Helena.

„Þorum við að taka það,“ sagði Margrét Lára Viðarsdóttir létt.

„Ég skil ekki alveg dómarann. Ég næ því ekki hvernig þetta er hægt,“ sagði Þóra Björg Helgadóttir.

Helena sýndi atvikið þar sem Elaina La Macchia, markvörður Fram togar í hárið á Þróttaranum Sæunni Björnsdóttur.

„Ég tók ekki eftir hártoginu fyrst og mér fannst þetta galinn dómur,“ sagði Þóra. Sæunn fékk nefnilega dæmda á sig aukaspyrnu.

„Þetta er að verða tískubylgja að rífa í hár. Það er búið að dæma leikmann í bann í Lengjudeildinni og ég held að Anna María [Baldursdóttir] hafði verið dæmd í bann fyrir þetta. Við höfum séð þetta í ensku,“ sagði Helena.

„Þetta er bara botnhegðun,“ sagði Þóra. „Algjör, þú bara gerir þetta ekki. Þá fara allar að klippa sig stutt,“ sagði Helena létt.

Þóra bendir á það að þetta sé jafnvel verra fyrir Elainu La Macchia.

„Hún hefði örugglega bara fengið gult ef Bríet hefði séð þetta. Núna gæti hún farið í bann,“ sagði Þóra.

Það má sjá alla umræðuna hér fyrir neðan.