Liverpool semur við fyrrum liðsfélaga Stefáns Teits

Ensku meistararnir sögðu frá því á miðlum sínum i dag að Freddie Woodman komi til liðsins á frjálsri sölu.

Woodman var markvörður Preston North End í ensku b-deildinni á síðasta tímabili og því liðsfélagi íslenska landsliðsmannsins Stefáns Teits Þórðarsonar.

Woodman spilað 37 leiki í ensku b-deildinni, fékk á 43 mörk og hélt 13 sinnum marki sínu hreinu.

Hann er 28 ára gamall og spilaði á sínum tíma með enska 21 árs landsliðinu.

Á ferlinum hefur hann spilað með félögum eins og Newcastle, Swansea og Kilmarnock.

Alisson Becker er aðalmarkvörður Liverpool og þá er georgíski landsliðsmarkvörðurinn Giorgi Mamardashvili að koma frá Valencia. Ungverjinn Ármin Pécsi er einnig í hópi markmanna liðsins en Liverpool keypti hann frá Puskás Akadémiu fyrr í þessum mánuði.