Kostnaður vegna kynja- og jafn­réttis­mála sex­tán milljónir

Þetta kemur fram í skriflegu svari ráðuneytisins við fyrirspurn Snorra Mássonar, þingmanns Miðflokksins.

„Kostnaður ráðuneytisins vegna þjónustu, ráðgjafar, stefnumótunar og fræðslu á sviði jafnréttismála og kynjafræði er að stærstum hluta til kominn vegna jafnlaunavottunar sem er lögbundin skylda og liður í framkvæmd laga um jafna stöðu og jafnan rétt kynjanna,“ segir í svari ráðuneytisins en þar kennir ýmissa grasa.

Kostnaður ráðuneytisins og undirstofnana þess var eftirfarandi:

Umhverfis- orku og loftslagsráðuneytið greiddi samtals 4.158.777 krónur, að stærstum hluta vegna kostnaðar tengdum Jafnlaunavottun.

Kostnaðurinn er sundurliðaður, en ráðuneytið greiddi Eflu hf. 174.530 krónur árið 2023 fyrir innri úttekt á jafnlaunavottun, og 150.586 fyrir sömu þjónustu árið 2022.

Þá greiddi ráðuneytið 31.200 krónur til Háskóla Íslands fyrir námskeið vegna #MeToo árið 2022.

Íslenskar orkurannsóknir greiddu samtals 1.605.477 krónur, ýmist vegna úttektar á jafnlaunavottun eða vegna ráðgjafar um jafnlaunakerfi.

Landmælingar Íslands greiddu samtals 905.213 krónur árin 2020 - 2023, allt vegna jafnlaunavottunar.

Náttúrufræðistofnun Íslands greiddi samtals 1.395.000 krónur árin 2019 - 2024, allt vegna jafnlaunavottunar.

Orkustofnun greiddi 1.951.765 árin 2020 - 2024, allt vegna jafnlaunavottunar.

Umhverfisstofnun greiddi 2.854.857 krónur árin 2017 - 2024, allt vegna jafnlaunavottunar.

Vatnajökulsþjóðgarður greiddi samtals 1.435.400 krónur árin 2019 - 2024, allt vegna jafnlaunavottunar.

Veðurstofa Íslands greiddi 1.929.002 krónur árin 2019, vegna jafnlaunavottunar.

Ítarlegri sundurliðun má finna á vef Alþingis.