Bogi hljóp í skarðið fyrir Kristbjörgu Kjeld og ærði áhorfendur Magnús Jochum Pálsson skrifar 13. júlí 2025 22:47 Áhorfendur ráku upp stór augu þegar Bogi Ágústsson birtist á sviðinu. Bogi Ágústsson birtist óvænt á sviðinu þegar farsinn Ber er hver að baki var frumsýndur í Háskólabíó um helgina og vafði áhorfendum þar um fingur sér. Sviðslistahúsið Afturámóti frumsýndi Ber er hver, nýjan íslenskan gamanleik, í Háskólabíói á föstudag. Verkið fjallar um tvíburabræðurna Guðmund og Gísla sem hittast aftur eftir tíu ára aðskilnað. Tvíburabræðurnir eru báðir leiknir af Kristni Óla Haraldssyni, sem er betur þekktur sem Króli, en hann er einnig höfundur verksins. Annar bróðirinn er á flótta undan handrukkurum og hinn er að reyna að svíkja pening út úr húsfélaginu og sannfæra kærustuna sína um að hann sé ekki að halda framhjá henni. Í þokkabót þekkir enginn bræðurna í sundur. Höfundur og leikur tvö aðalhlutverk Ber er hver varð til sem lokaeinstaklingsverkefni Kristins á leikarabraut í Listaháskóla Íslands, en hann útskrifaðist þaðan núna í júní. Kristinn skrifaði verkið ásamt vinum sínum Hjalta Rúnari Jónssyni og Vilhjálmi B. Bragasyni, en það var Ólafía Hrönn Jónsdóttir sem átti hugmyndina að því að Króli myndi leika tvíbura. Leikstjóri verksins er Karla Kristjánsdóttir, en hún útskrifaðist úr sviðshöfundanámi LHÍ á dögunum. Auk Króla leikur fjöldi ungra gamanleikara í verkinu: Hólmfríður Hafliðadóttir leikur kærustu annars bróðursins, Vilhjálmur B. Bragason leikur formann húsfélagsins, Kolbeinn Sveinsson og Hjalti Rúnar Jónsson leika handrukkarana Daníel og Lárus, og Össur Haraldsson þreytir frumraun sína á leiksviði. En þá er ótalinn einn leikari. Alltaf nýr óvæntur gestur Þakið ætlaði að rifna af húsinu á frumsýningunni þegar óvæntan gest bar að garði og hann reyndist vera Bogi Ágústsson, fyrrverandi fréttaþulur Ríkisútvarpsins til áratuga. Bogi með leikhópnum í Ber er hver. Þegar verkið varð fyrst til í Listaháskólanum fór leiklistargoðsögnin Kristbjörg Kjeld, með hlutverk Boga. Þó Kristbjörg sé nýlega orðin níræð er hún á ferð og flugi í sumar og sá sér því ekki fært að vera með aftur í sýningunni og hópurinn þurfti því að fylla í stór spor. Niðurstaðan varð að fá mismunandi leikara til þess að leika hlutverk Kristbjargar og láta það alltaf koma áhorfendum á óvart hver birtist í verkinu. Það tókst á frumsýningunni í Háskólabíói þegar Bogi Ágústsson gekk inn á sviðið. Ekki nóg með að Bogi hafi tryllt salinn heldur sýndi hann áður óséða leikræna tilburði, bætti við bröndurum og vafði áhorfendum um fingur sér. Aðeins eru fyrirhugaðar tvær sýningar til viðbótar af Ber er hver, þann 16. og 25. júlí, svo þau sem vilja létta sér lundina í sumar ættu að tryggja sér miða fyrr en síðar. Leikhópurinn fékk þrefalt uppklapp að sýningu lokinni. Leikhús Mest lesið „Stundum finnst mér hún vera farin þó hún sé enn á lífi“ Lífið Krakkatían: Litla hafmeyjan, Pollapönk og lundar Lífið „Það var tímapunktur sem ég talaði aldrei um neitt“ Menning Myndasyrpa úr Eyjum: „Út með kassann og áfram gakk“ Lífið Fann ástina á Balí en nýtur hennar í Kóreu Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Fréttatía vikunnar: Verslunarmannahelgin, forsetaheimsókn og mannasaur Lífið Gary Busey játar kynferðisbrot Lífið Robert Wilson er látinn Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
Sviðslistahúsið Afturámóti frumsýndi Ber er hver, nýjan íslenskan gamanleik, í Háskólabíói á föstudag. Verkið fjallar um tvíburabræðurna Guðmund og Gísla sem hittast aftur eftir tíu ára aðskilnað. Tvíburabræðurnir eru báðir leiknir af Kristni Óla Haraldssyni, sem er betur þekktur sem Króli, en hann er einnig höfundur verksins. Annar bróðirinn er á flótta undan handrukkurum og hinn er að reyna að svíkja pening út úr húsfélaginu og sannfæra kærustuna sína um að hann sé ekki að halda framhjá henni. Í þokkabót þekkir enginn bræðurna í sundur. Höfundur og leikur tvö aðalhlutverk Ber er hver varð til sem lokaeinstaklingsverkefni Kristins á leikarabraut í Listaháskóla Íslands, en hann útskrifaðist þaðan núna í júní. Kristinn skrifaði verkið ásamt vinum sínum Hjalta Rúnari Jónssyni og Vilhjálmi B. Bragasyni, en það var Ólafía Hrönn Jónsdóttir sem átti hugmyndina að því að Króli myndi leika tvíbura. Leikstjóri verksins er Karla Kristjánsdóttir, en hún útskrifaðist úr sviðshöfundanámi LHÍ á dögunum. Auk Króla leikur fjöldi ungra gamanleikara í verkinu: Hólmfríður Hafliðadóttir leikur kærustu annars bróðursins, Vilhjálmur B. Bragason leikur formann húsfélagsins, Kolbeinn Sveinsson og Hjalti Rúnar Jónsson leika handrukkarana Daníel og Lárus, og Össur Haraldsson þreytir frumraun sína á leiksviði. En þá er ótalinn einn leikari. Alltaf nýr óvæntur gestur Þakið ætlaði að rifna af húsinu á frumsýningunni þegar óvæntan gest bar að garði og hann reyndist vera Bogi Ágústsson, fyrrverandi fréttaþulur Ríkisútvarpsins til áratuga. Bogi með leikhópnum í Ber er hver. Þegar verkið varð fyrst til í Listaháskólanum fór leiklistargoðsögnin Kristbjörg Kjeld, með hlutverk Boga. Þó Kristbjörg sé nýlega orðin níræð er hún á ferð og flugi í sumar og sá sér því ekki fært að vera með aftur í sýningunni og hópurinn þurfti því að fylla í stór spor. Niðurstaðan varð að fá mismunandi leikara til þess að leika hlutverk Kristbjargar og láta það alltaf koma áhorfendum á óvart hver birtist í verkinu. Það tókst á frumsýningunni í Háskólabíói þegar Bogi Ágústsson gekk inn á sviðið. Ekki nóg með að Bogi hafi tryllt salinn heldur sýndi hann áður óséða leikræna tilburði, bætti við bröndurum og vafði áhorfendum um fingur sér. Aðeins eru fyrirhugaðar tvær sýningar til viðbótar af Ber er hver, þann 16. og 25. júlí, svo þau sem vilja létta sér lundina í sumar ættu að tryggja sér miða fyrr en síðar. Leikhópurinn fékk þrefalt uppklapp að sýningu lokinni.
Leikhús Mest lesið „Stundum finnst mér hún vera farin þó hún sé enn á lífi“ Lífið Krakkatían: Litla hafmeyjan, Pollapönk og lundar Lífið „Það var tímapunktur sem ég talaði aldrei um neitt“ Menning Myndasyrpa úr Eyjum: „Út með kassann og áfram gakk“ Lífið Fann ástina á Balí en nýtur hennar í Kóreu Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Fréttatía vikunnar: Verslunarmannahelgin, forsetaheimsókn og mannasaur Lífið Gary Busey játar kynferðisbrot Lífið Robert Wilson er látinn Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira