Ís­lendingar geta verið sóðar

„Við sjáum það aftur og aftur – margir gera sér ekki grein fyrir því hversu lítið þarf til að vatnið í pottinum verði hreint og gott,“ segir Kristján Berg Ásgeirsson, eigandi fyrirtækisins Heitir pottar. 

Hann hefur undanfarin ár frætt viðskiptavini um rétt viðhald og umhirðu og segir að vanþekking sé algengasta ástæðan fyrir óhreinum pottum.

„Í mörgum tilfellum grassera bakteríur í pottunum vegna þess að fólk kann ekki að hugsa rétt um þá,“ segir hann. Hann nefnir sérstaklega rafmagnspotta og hitaveitupotta sem algengar gerðir sem krefjast ólíkrar umhirðu – en í báðum tilvikum þarf að hugsa um hreinsun, pH-gildi og rétt notkun efna. „Það sem fólk tekur ekki alltaf eftir eru hvítar flygsur í vatninu. Þetta er oft húðfita og annað rusl sem safnast upp í lagnirnar – og hver vill sitja í því?,“ spyr hann og bætir við að djúphreinsun með sérstökum lagnahreinsi eigi að fara fram a.m.k. einu sinni á ári.

„Ef þú átt rafmagnspott, þá geturðu haldið honum hreinum með aðeins tveggja til þriggja mínútna vikulegu viðhaldi,“ segir Kristján. „Það er hægt að nota pH-strimla til að mæla sýrustigið sem á að vera á bilinu 7,2–7,6. Síðan á að setja klórtöflur í flotholt og einu sinni í viku fer spa shock út í vatnið. Þetta er einfalt og tekur stuttan tíma.“

Hann mælir með að fólk venji sig á að sjá um pottinn alltaf sama dag vikunnar, til dæmis á laugardögum þegar flestir eru í fríi. „Það er ekkert öðruvísi en að þrífa bílinn – þú gerir það reglulega. Potturinn þarfnast þess líka.“

Í hitaveitupottum vill fólk oft sleppa hreinsiefnum að sögn Kristjáns og þá kemur slepjukennd áferð og vond lykt. „Ég hvet því fólk til að nota klórtöflur eða salttöflur í flotholti. Þar sem vatnið endurnýjast stöðugt þarf ekki að mæla sýrustigið, en engu að síður þarf að huga að hreinlæti. Það er einfaldara en fólk heldur. Ef þú notar réttu efni minnka þrifin um 80–90%.“

Núna eru komnir pottar á markað sem eru 98% sjálfvirkir. „Þannig að það er kominn sjálfvirkur sundlaugarvörður fyrir pottaeigandann,“ segir Kristján. „Tækninni hefur fleygt fram og við nýtum okkur nýjustu tæknina sem er saltvatnspottar. Þeir eru útbúnir nema sem nemur gæði vatnsins og senda svo upplýsingar í gegnum app.“ Í appinu er hægt að fylgjast með vatnsgæðum og hlýða þeim leiðbeiningum pottaeigandi fær þar. „Þetta getur ekki verið einfaldara. Það fæðist enginn sem sundlaugarvörður og því gott að nýta sér þessa frábæru tækni sem er komin fram, en við höfum selt saltvatnspotta frá árinu 2008.“

Heitir pottar er fyrst og fremst þjónustufyrirtæki segir Kristján. „Margir halda að helsta hlutverk starfsfólks okkar sé að selja en aðal hlutverk okkar er að fræða fólk og hjálpa því að njóta. Við bjóðum upp á myndbönd, leiðbeiningar og tölvupóststuðning. Við svörum öllum spurningum og engin spurning er of vitlaus. Þegar við seljum pott fylgja með skref-fyrir-skref leiðbeiningar. Eftir nokkra mánuði hringjum við aftur og spyrjum: Hvernig gengur með pottinn? Því auðvitað viljum við að fólk njóti pottanna á réttan hátt.“

Heitir pottar bjóða einnig upp á lausnir fyrir þá sem þola illa klór eða eru með exem. „Það eru til fjölbreytt efni og búnaður sem hægt er að aðlaga að þörfum hvers og eins,“ segir Kristján. „Fólk má endilega hafa samband, við sendum hreinsiefni heim næsta virka dag og það má svo auðvitað alltaf koma við eða hringja.“

Hann segir Íslendinga elska að hoppa í heita potta. „En við þurfum líka að muna að það þarf að hugsa um þá. Rétt viðhald skilar sér margfalt, í lengra lífi pottsins, betra vatni og meiri vellíðan.“