Innlent

Náðu fullum þrýstingi í nótt

Samúel Karl Ólason skrifar
Heitavatnslögn fór í sundur við Vesturlandsveg.
Heitavatnslögn fór í sundur við Vesturlandsveg. Vísir/Anton

Allir íbúar Grafarvogs ættu að hafa fengið fullan þrýsting á heitavatnið á þriðja tímanum í nótt. Þá hafði viðgerð á stofnlögn til Grafarvogs, sem byrjaði að leka í fyrrinótt, lokið skömmu fyrir miðnætti í gærkvöldi.

Lekinn mun hafa orðið á lögninni við Vesturlandsveg og varð hann á mjög erfiðum stað fyrir viðgerðarmenn Veitna.

Veitur biðja íbúa í Grafarvogi sem verða varir við leka utanhúss að hafa samband. Komi upp leki innandyra verða viðkomandi að hafa samband við tryggingarfélag þeirra.

Reykjavík Vatn Orkumál

Mest lesið


Fleiri fréttir

Sjá meira


×

Mest lesið