Fögur hæð í frönskum stíl

Heimilið er innréttað í hlýlegum og mjúkum litatónum, sem einkennir hinn svokallaða Parísarstíl. Eignin var endurhönnuð árið 2021 af Hildi Árna hjá Studio Homestad og er útkoman virkilega smart.

Listar á veggjum og í loftum eru eins og glæsileg listaverk og gefa íbúðinni fágað yfirbragð. Stofa og borðstofa renna saman í eitt opið rými með parketi á gólfi og fallegum tekkhurðum.

Mosagrænn litur prýðir stofuna, en skenkurinn og ofnar hafa verið málaðir í sama lit og mynda þannig fallega heild. Sérsmíðaður gluggasófi fangar augað og setur rómantískan svip á rýmið.

Eldhúsið er opið við borðstofuna, með flísum á gólfi, grárri innréttingu og notalegum borðkrók með sérsmíðuðum bekk.

Samtals eru fjögur svefnherbergi og eitt baðherbergi.

Nánari upplýsingar um eignina má nálgast á fasteignavef Vísis.