Norsku meistarnir í gini Galatasaray ljónsins

Þetta var annar sigur Galatasaray í röð í Meistaradeildinni en liðið vann Liverpool á sama stað í leiknum á undan. Liverpool stóðst ekki pressuna og ekki heldur norsku meistararnir.

Gælunafn Galatasaray er Ljónin frá Istanbul og stuðningsmennirnir létu Norðmennina finna vel fyrir sér með því að búa til gríðarlegan hávaða þegar norska liðið reyndi að halda boltanum.

Bodö byrjuðu leikinn skelfilega og gátu þakkað fyrir að fá ekki mörg mörk á sig í upphafi leiksins.

Victor Osimhen kom Galatasaray í 1-0 eftir aðeins þrjár mínútur og hálftíma síðar skoraði hann aftur. Seinna markið var algjör gjöf eftir að Osimhen komst inn í sendingu til markvarðar.

Norðmennirnir fengu fínt undir lok hálfleiksins og gekk síðan aðeins betur í síðari hálfleiknum.

Galatasaray gat samt skorað miklu fleiri mörk og þá ekki síst Osimhen sem var mjög nálægt því að ná þrennunni. Hann reyndi og reyndi en þriðja markið datt ekki inn hjá honum.

Þriðja mark liðsins kom aftur á móti á 60. mínútu eftir enn ein varnarmistök hjá Norðmönnunum en það mark skoraði Yunus Akgün.

Bodö/Glimt tókst síðan að minnka muninn í lokin þegar Andreas Helmersen skoraði með skalla af stuttu færi eftir fyrirgjöf Fredrik André Björkan.

Athletic Club Bilbao skoraði tvö mörk í lokin og vann 3-1 heimasigur á Qarabag. Bilbao hafði tapað tveimur fyrstu leikjum sínum í Meistaradeildinni og þessi sigur var því bæði langþráður og nauðsynlegur.

Robert Navarro kom Athletic í 2-1 á 70. mínútu og Gorka Guruzeta innsiglaði sigurinn á 88. mínútu með sínu öðru marki í leiknum. Leandro Andrade hafði komið Qarabag óvænt yfir á fyrstu mínútu leiksins en Guruzeta jafnaði metin á 40. mínútu.