Dag­skráin: Big Ben, Skipti­borð, Ís­lendinga­slagur í Evrópu og Körfu­bolta­kvöld

Bónus-deild karla í körfubolta er í fullum gangi eins og vanalega á fimmtudögum en fjórir leikir verða í beinni í kvöld. ÍR tekur á móti Stjörnunni, Keflavík fær Ármann í heimsókn, Valur tekur á móti Þór og Skagamenn mæta út á Álftanes.

Skiptiborðið fylgist með öllum leikjunum samtímis og eftir þá er kvöldið gert upp í Tilþrifunum.

Bónus Körfuboltakvöld kvenna mun einnig gera upp síðustu umferð Bónusdeildar kvenna í dag.

Það verður sýndur Íslendingaslagur í beinni í Evrópudeildinni þegar lærisveinar Freys Alexanderssonar í Brann taka á móti Elíasi Rafni Ólafssyni og félögum í danska félaginu Midtjylland.

Hákon Arnar Haraldsson og félagar í Lille verða einnig í beinni þar sem þeir heimsækja Celta Vigo í Evrópudeildinni.

Daníel Tristan Guðjohnsen og félagar í Malmö verða einnig í beinni þegar þeir fá Rauðu Stjörnuna í heimsókn. Það verða einnig fleiri leikir sýndir beint úr Evrópudeildinni.

Kvöldið endar svo á nýjum þætti af Big Ben þar sem Guðmundur Benediktsson og Hjálmar Örn Jóhannsson fara yfir íþróttalífið en enska úrvalsdeildin fær þar stórt pláss. Kapparnir fá góða gesti í gott spjall.

Það verður einnig sýnt frá golfi og íshokkídeildinni í Bandaríkjunum.

Hér fyrir neðan má sjá yfirlit yfir beinar útsendingar á sportstöðvunum í dag.

SÝN Sport Ísland

Klukkan 17.30 hefst Bónus Körfuboltakvöld kvenna þar sem farið er yfir umferð vikunnar í Bónusdeild kvenna.

Klukkan 19.10 hefst Skiptiborðið þar sem verður fylgst með öllum leikjum kvöldsins í Bónus-deild karla í körfubolta.

Klukkan 21.10 hefjast Tilþrifin þar sem farið verður yfir alla leiki kvöldsins í Bónus-deild karla í körfubolta.

SÝN Sport Ísland 2

Klukkan 19.05 hefst bein útsending frá leik ÍR og Stjörnunnar í Bónus-deild karla í körfubolta.

SÝN Sport Ísland 3

Klukkan 19.05 hefst bein útsending frá leik Keflavíkur og Ármanns í Bónus-deild karla í körfubolta.

SÝN Sport Ísland 4

Klukkan 19.05 hefst bein útsending frá leik Vals og Þórs Þorl. í Bónus-deild karla í körfubolta.

SÝN Sport Ísland 5

Klukkan 19.05 hefst bein útsending frá leik Álftaness og ÍA í Bónus-deild karla í körfubolta.

Sýn Sport

Klukkan 17.35 hefst bein útsending frá leik Brann og Midtjylland í Evrópudeildinni í fótbolta.

Klukkan 19.50 hefst bein útsending frá leik Braga og Nottingham Forest í Evrópudeildinni í fótbolta.

Klukkan 22.10 hefst Big Ben sem er umræðu- og viðtalsþáttur um íþróttir í umsjón Guðmundar Benediktssonar.

Sýn Sport 2

Klukkan 17.35 hefst bein útsending frá leik Malmö og Rauðu stjörnunnar í Evrópudeildinni í fótbolta.

Klukkan 19.50 hefst bein útsending frá leik Rangers og Ludogorets í Evrópudeildinni í fótbolta.

Sýn Sport 4

Klukkan 07.30 hefst útsending frá Hero Dubai Desert Classic-golfmótinu á DP World Tour.

SÝN Sport Viaplay

Klukkan 16.35 hefst bein útsending frá leik Fenerbahce og Aston Villa í Evrópudeildinni í fótbolta.

Klukkan 19.50 hefst bein útsending frá leik Celta og Lille í Evrópudeildinni í fótbolta.

Klukkan 00.05 hefst bein útsending frá leik Columbus Blue Jackets og Dallas Stars í NHL-deildinni í íshokkí.