Sport

Dag­skráin: Leikið um sæti á Wembley og biðin eftir Super Bowl stytt

Sindri Sverrisson skrifar
Manchester City er í góðri stöðu í einvígi sínu við Newcastle.
Manchester City er í góðri stöðu í einvígi sínu við Newcastle. Getty/James Gill

Það verður skemmtileg dagskrá á sportrásum Sýnar í kvöld, með undanúrslitaslag Manchester City við Newcastle og upphitunarhátíð fyrir Super Bowl. Þá er hægt að sjá marga efnilega fótboltamenn keppa í UEFA Youth League.

Sýn Sport

Fyrri hluti dagsins fer í ungmennadeild UEFA þar sem nokkur stórlið eiga fulltrúa. Legia Varsjá mætir Ajax klukkan 13, HJK tekur á móti Manchester City klukkan 15 og Köln mætir Inter klukkan 17.

Í kvöld kl. 20:05 er svo komið að Pro Bowl Games þar sem margir af bestu leikmönnum NFL-deildarinnar, fyrir utan þá sem spila í Suber Bowl á sunnudaginn, spila stjörnuleik í flaggfótbolta. Í kjölfarið er svo hitað rækilega upp fyrir sunnudaginn með sýningu á Road to the Super Bowl.

Sýn Sport Viaplay

Seinni leikur Manchester City og Newcastle í undanúrslitum enska deildabikarsins er klukkan 20. City-menn eru með 2-0 forskot en sigurliðið í einvíginu spilar úrslitaleikinn á Wembley í næsta mánuði.

Allar upplýsingar um beinar útsendingar á sportrásum Sýnar má finna hér.

Dagskráin í dag

Mest lesið


Fleiri fréttir

Sjá meira


×

Mest lesið