Bjarni Guð­jóns hættir hjá VÍS

Bjarni hefur starfað hjá VÍS frá árinu 2024 en hann hafði þar áður starfað sem framkvæmdastjóri KR um þriggja ára skeið.

Bjarni staðfestir í samtali við fréttastofu að hann hafi sagt upp störfum í gærmorgun og að hann muni vinna uppsagnarfrest. Hann vildi að öðru leyti ekki tjá sig um málið. 

Í samtali við fréttastofu á þriðjudag vildi Bjarni ekki tjá sig um þann orðróm að hann yrði á lista Sjálfstæðismanna í komandi borgarstjórnarkosningum. Hann sagðist þó vera ánægður með að fólk hefði trú á sér og að hann hafi skoðanir.

Mikil leynd ríkir um störf kjörnefndar Sjálfstæðisflokksins í borginni en það eina sem fyrir liggur er að Hildur Björnsdóttir verður oddviti Sjálfstæðismanna í Reykjavík.

Bjarni hafði áður starfað sem viðskipta- og sölustjóri í sjávarútvegi hjá VÍS, auk þess að hafa verið sölustjóri í sjávarútvegi hjá Odda og rekstrarstjóri hjá Ellingsen. Bjarni var atvinnumaður í fótbolta á sínum yngri árum og spilaði meðal annars með ÍA, Newcastle United, Stoke City og KR. Þá hefur hann sömuleiðis þjálfað, meðal annars meistaraflokk karla hjá Fram og KR.

Hann sé með BS-gráðu í viðskiptafræði frá Háskólanum í Reykjavík og ECA-gráðu í stjórnun íþróttafélaga (e. Club Management Program) ásamt þjálfaraleyfi.

Fréttin hefur verið uppfærð eftir að náðist í Bjarna.