Mikael mætti Juventus í svekkjandi tapi

Heimamenn fengu draumabyrjun þegar brasilíski miðvörðurinn Bremer skoraði strax á fjórðu mínútu.

Bandaríski landsliðsmaðurinn Weston McKennie, sem ætlar greinilega að vera í stuði á HM á heimavelli í sumar, bæti svo við seinna markinu á 17. mínútu með skoti úr teignum eftir skyndisókn sem hann hóf sjálfur. Hann hefur nú skorað fimm mörk og átt fjórar stoðsendingar í deildinni á leiktíðinni.

Genoa óx ásmegin eftir því sem leið á leikinn og liðið hefði getað hleypt mikilli spennu í leikinn á 74. mínútu þegar dæmd var vítaspyrna. Varamarkvörðurinn Michele Di Gregorio, sem kom inná í upphafi seinni hálfleiks vegna meiðsla Mattia Perin, varði hana hins vegar frá Aarón Martín.

Sigurinn þýðir að Juventus er með 57 stig í 5. sæti deildarinnar, stigi á eftir Como í baráttunni um öruggt sæti í Meistaradeild Evrópu, nú þegar sjö umferðir eru eftir.

Mikael og félagar í Genoa eru hins vegar í 14. sæti með 33 stig, sex stigum frá fallsæti.