Dag­skráin í dag: Gummi Ben með nýja Messu, loka­dagur Masters og stórleikur í enska

Sýn Sport

Það er hnífjöfn staða á toppnum á Masters fyrir lokahringinn í dag en bein útsending frá honum hefst klukkan 16. Það skýrist svo ekki fyrr en seint í kvöld hver fær að klæðast græna jakkanum eftirsótta.

Sýn Sport Ísland 1-5

Breytingar verða í Bestu deildinni í fótbolta í sumar því Gummi Ben verður með Subway-messuna þar sem fylgst verður með nokkrum leikjum samtímis. Í dag verða þrír afar áhugaverðir leikir á sama tíma í fyrstu umferðinni og hefst Messan klukkan 16:45.

Fyrsti leikur dagsins er þó klukkan 13 þegar ÍBV og FH mætast á Sýn Sport Ísland. Leikirnir þrír sem hefjast klukkan 17 verða svo á hliðarrásum en þá mætast KR og Keflavík, Valur og Þór, og KA og Stjarnan. Kvöldleikurinn er svo á milli Fram og ÍA sem mætast klukkan 19:30.

Stúkan tekur svo við klukkan 21:35 þar sem allir leikir fyrstu umferðarinnar verða gerðir upp.

Sýn Sport 1-3

Chelsea og Manchester City mætast í stórleik dagsins í enska boltanum, á Sýn Sport 2, nú þegar City er komið í þá stöðu að hafa örlögin í eigin höndum í baráttunni við Arsenal um titilinn. Chelsea er að sama skapi í harðri baráttu við Liverpool og fleiri lið um sæti í Meistaradeild Evrópu. Útsendingin hefst klukkan 15:10 og eftir leik er svo Sunnudagsmessan á dagskrá.

Fyrstu þrír leikir dagsins eru þó klukkan 13 en þá mætast Sunderland og Tottenham sem nú er komið í fallsæti. Crystal Palace tekur á móti Newcastle og Nottingham Forest mætir Aston Villa.

Upplýsingar um allar beinar útsendingar má finna á vef Sýnar.