Sport

Dag­skráin í dag: Stjarnan með sóp á Króknum og Arsenal slæst við Atlético

Sindri Sverrisson skrifar
Hilmar Smári Henningsson tryggði Stjörnunni ævintýralegan sigur í framlengingu gegn Tindastóli, þegar liðið komst í 2-0 í undanúrslitaeinvíginu.
Hilmar Smári Henningsson tryggði Stjörnunni ævintýralegan sigur í framlengingu gegn Tindastóli, þegar liðið komst í 2-0 í undanúrslitaeinvíginu. vísir/Ernir

Það eru afar spennandi leikir á dagskrá á sportrásum Sýnar í kvöld, í undanúrslitum Bónus-deildar karla í körfubolta og Meistaradeildar Evrópu í fótbolta. Þá eru einnig freistandi leikir í 2. umferð Bestu deildar kvenna.

Sýn Sport Ísland

Það er komið að næsta slag í æsispennandi einvígi Tindastóls og Stjörnunnar þar sem meistarar Stjörnunnar eru komnir í þá stöðu að geta sópað Stólunum út með sigri í kvöld. Leikurinn hefst klukkan 19:15 en enginn ætti að missa af upphituninni sem hefst klukkan 18:30. Málin verða svo gerð upp í Körfuboltakvöldi strax að leik loknum, í beinni útsendingu úr Síkinu.

Sýn Sport Ísland 2-3

Besta deild kvenna heldur áfram og taka Íslandsmeistarar Breiðabliks á móti Fram klukkan 19:15 en Stjarnan og Valur mætast í afar áhugaverðum slag á sama tíma.

Sýn Sport

Upphitun fyrir Meistaradeild Evrópu hefst klukkan 18:30 og fyrri undanúrslitaleikur Atlético Madrid og Arsenal hefst svo klukkan 19 en liðin munu þurfa að hafa ansi mikið fyrir því að toppa fjör gærkvöldsins. Meistaradeildarmörkin eru svo á sínum stað um klukkan 21.

Upplýsingar um allar beinar útsendingar má finna á vef Sýnar með því að smella hér.

Dagskráin í dag

Mest lesið


Fleiri fréttir

Sjá meira


×

Mest lesið