Kane sleppur með sekt og spilar á morgun

Þetta staðfestir Hannes S. Jónsson, framkvæmdastjóri KKÍ, í samtali við Vísi. Niðurstaða aga- og úrskurðanefndar verður birt á heimasíðu KKÍ síðar í kvöld.

Frétt Vísis verður uppfærð þegar rökfærsla aga- og úrskurðarnefndar liggur fyrir.

Grindvíkingum hefur verið tilkynnt um niðurstöðu málsins, sekt frekar en leikbann. Þeir verða fullmannaðir í leik liðanna á morgun.

Grindavík er 2-0 yfir í einvíginu og getur tryggt sér Íslandsmeistaratitilinn á heimavelli á morgun.

Nánar má lesa um ástæður þess að Kane var kærður hér fyrir neðan en hegðun hans eftir síðasta leik þótti óviðunandi.