Snorri í stöðu fram­kvæmda­stjóra

Snorri er viðskiptafræðingur að mennt með meistaragráðu í aðfangakeðjustjórnun frá Copenhagen Business School í Kaupmannahöfn. Í fréttatilkynningu segir að hann búi yfir víðtækri reynslu af rekstri, innkaupum og birgðastrýingu. Hann hafi meðal annars starfað hjá Landspítalanum á sviði aðfangakeðjustýringar og hjá Maersk í Danmörku.

Snorri Páll snýr til Distica eftir fimm ára starf hjá Alvotech. Einnig hefur hann setið í stjórn Stjórnvísis frá árinu 2023.

Hann tekur við af Júlíu Rós Atladóttur sem sinnti starfinu í fimm ár.

„Ég vil þakka fráfarandi framkvæmdarstjóra, Júlíu Rós Atladóttur, fyrir mikilvægt framlag hennar til uppbyggingar og þróunar Distica á undanförnum árum. Undir hennar stjórn hefur félagið eflst verulega og styrkt stöðu sína á markaði. Við bjóðum Snorra Pál velkominn til starfa og hlökkum til að vinna með honum að áframhaldandi vexti og sókn félagsins,“ er jaft eftir Jóni Björnssyni, stjórnarformanni Distica, í tilkynningunni.