Bein út­sending: Icebox 10

Hnefaleikakvöldið Icebox fer nú fram í tíunda sinn og í fyrsta skipti verður barist í Ólafssal á Ásvöllum. Bardagakvöldið hefur hingað til farið fram í Kaplakrika.

Átta bardagar eru á dagskránni. Fjórir upphitunarbardagar og svo eru fjórir á aðalhluta kvöldsins. Þar mætast meðal annars Íslendingar og Danir í þremur bardögum.

Upphitunarbardagarnir hófust klukkan 19.00 og voru í beinni á Vísi og Sýn Sport 2.

Aðalhluti kvöldsins hefst klukkan 20.30 og verður í beinni, og læstri, útsendingu á Sýn Sport. Hægt er að kaupa stakan viðburð í myndlyklum Sýnar og hjá Livey.is.