Dag­skráin í dag: Stuð í snókernum

Það má hæglega mæla með því að liggja yfir snókernum í dag meðan beðið er eftir HM-leikjum kvöldsins. Hið gríðarstóra Championship-deildar mót heldur áfram þar sem keppt verður í riðlum 5 og 16 frá klukkan 10:00 á Sýn Sport Viaplay.

Hæst ber að nefna Chris Wakelin í riðli 5, sem er þrettándi á heimslista. Hann etur kappi við Brian Ochoiski, Yao Pengcheng og Luke Pinches í þeim riðli en allir keppendur munu eigast við áður en dagurinn er úti.

Í riðli 16 er hinn gríðarefnilegi Lei Peifan frá Kína sem hefur farið mikinn undanfarið árið eða svo og hefur risið upp í 26. sæti heimslistans. Auk hans eru Wang Xinbo, Ishpreet Singh Chadha og Chatchapong Nasa í þeim riðli.

Þrjár viðureignir fara fram í hvorum riðli fyrir sig frá klukkan 10:00. Keppnin klárast svo seinni partinn þegar síðari þrjár viðureignirnar í riðlunum tveimur fara fram. Það er í beinni á Sýn Sport Viaplay frá klukkan 15:30.