Dag­skráin: Þjóðhátíðarleikur, Opna breska og Íslendingalið

Hinn árlegi þjóðhátíðarleikur er á dagskrá í Vestmannaeyjum í dag þegar ÍBV tekur á móti Fram en þetta er vanalega best sótti leikur Eyjaliðsins á hverju tímabili. Rúnar Kristinsson, þjálfari Fram, er mættur á þjóðhátíð í fyrsta sinn og það má búast við stemmingu við Hástein.

Opna breska risamótið er í fullum gangi hjá konunum og nú er komið að þriðja og næstsíðasta keppnisdegi á Women's British Open. Spilað er hjá Royal Lytham & St Annes golfklúbbnum í Lancashire-sýslu á Norðvestur-Englandi.

Íslendingaliðið Kristianstad tekur á móti AIK í sænsku kvennadeildinni en með liðinu spila þær Alexandra Jóhannsdóttir, Linda Líf Boama og Elísa Lana Sigurjónsdóttir auk þess að Nik Chamberlain, fyrrum þjálfari Breiðabliks og Þróttar, þjálfar liðið.

Það verður einnig sýndur æfingaleikur Tokyo og Dortmund í morgunsárið.

Hér fyrir neðan má sjá yfirlit yfir beinar útsendingar á sportstöðvunum í dag.

SÝN Sport Ísland

Klukkan 13.50 hefst bein útsending frá leik ÍBV og Fram í sautjándu umferð Bestu deildar karla í fótbolta.

SÝN Sport 4

Klukkan 11.00 hefst bein útsending frá Opna breska risamóti kvenna í golfi, Women's British Open.

Klukkan 14.30 hefst bein útsending frá Opna breska risamóti kvenna í golfi, Women's British Open.

SÝN Sport Viaplay

Klukkan 09.55 hefst bein útsending frá æfingarleik Tokyo og Dortmund.

Klukkan 12.50 hefst bein útsending frá leik Kristianstad og AIK í sænsku kvennadeildinni í fótbolta.