Dag­skráin: West Ham á nýjum slóðum í ágúst­byrjun

Þetta er rólegur laugardagur en það verða sýndir tveir leikir í enska deildabikarnum.

West Ham féll úr ensku úrvalsdeildinni síðasta vor og byrjar því tímabilið mun fyrr en áður. West Ham tekur á móti gamla Íslendingaliðinu Portsmouth í enska deildarbikarnum á Sýn Sport Viaplay og hefst útsendingin klukkan 13.50.

West Ham mun í vetur spila í ensku B-deildinni í fyrsta sinn í fjórtán ár eða síðan á 2011-12 tímabilinu. Þá voru þeir aðeins eitt tímabil utan efstu deildar og ætla sér örugglega beint upp aftur í vetur.

Annað gamalt Íslendingalið verður líka í beinni en klukkan 16.25 á Sýn Sport Viaplay mun Rotherham United taka á móti West Bromwich Albion. WBA er í B-deildinni en Rotherham er nú í D-deildinni.

Báðir leikirnir eru í fyrstu umferð deildabikarsins en ensku úrvalsdeildarfélögin komu inn í annarri og þriðju umferð. Liðin sem eru í Evrópu byrja ekki fyrr en í þriðju umferðinni.