TF-SIF grennslast fyrir um skemmtibát á Sundunum

Þetta segir Ásgeir Erlendsson, upplýsingafulltrúi Landhelgisgæslunnar, í samtali við Vísi. Bátnum hafi verið siglt út upp úr klukkan 09 í morgun og síðan tilkynnt var um útsiglingu hafi ekkert heyrst frá bátnum.

Báturinn sé lítill skemmtibátur og því sé hann hvorki tilkynningarskyldur né búinn sjálfvirkum staðsetningarbúnaði. Venjan sé þó að áhafnir slíkra báta láti vita af sér á klukkustundar fresti og því hafi Landhelgisgæslan reynt að ná sambandi við bátinn.

Þegar það hafi ekki tekist eftir hefðbundnum leiðum hafi verið ákveðið að hefja eftirgrennslan. TF-Sif hafi verið á leið í gæsluflug en henni hafi verið stefnt í eftirgrennslan yfir Sundunum í staðinn. Þá svipist áhafnir varðskipa á svæðinu um eftir bátnum auk þess sem áhafnir annarra báta og skipa hafi verið beðnar um að hafa augun opin.