Bein út­sending: Mál­þing um Biskups­málið

Í tilkynningu um málþingið segir að í þáttaröðinni hafi verið fjallað um vald og ábyrgð, hvernig valdamikill maður og embætti hans hafi notið verndar á meðan konur sem sögðu frá kynferðisofbeldi hafi ítrekað þurft að verja frásagnir sínar og trúverðugleika. 

Jafnframt hafi verið sýnt hvernig afleiðingar kynferðisofbeldis, þöggunar og viðbragða stofnana geti varað áratugum saman og haft áhrif langt út fyrir líf þeirra sem urðu sjálfar fyrir ofbeldinu.

„Á málþinginu verður spurt: Hvar stöndum við í dag? Hvað hefur breyst í viðbrögðum samfélagsins við kynferðisofbeldi — og hvað þarf enn að bæta?“

Málþingið hefst klukkan 17 í samkomusalnum að Hallveigarstöðum. Dagskrá þess er eftirfarandi:

• Fundarsetning: Jenný Kristín Valberg, teymisstýra Bjarkarhlíðar
• Framsaga: Gabríela Bryndís Ernudóttir, sálfræðingur og höfundur þáttaraðarinn um Biskupsmálið.
• Upplestur: Guðrún Ebba Ólafsdóttir, kennari og baráttukona les úr bók sinni Ekki líta undan sem kom út 2011. Dr. Anna Ragna Fossberg, rithöfundur og næringarfræðingur, les úr bók sinni Hirðfíflið sem kom út árið 2025. Aldís Schram, lögfræðingur, leikkona og höfundur, fer með frumsamið ljóð.
• Pallborðsumræður: Gabríela Bryndís Ernudóttir, Guðrún Ebba Ólafsdóttir, Dr. Anna Ragna Fossberg, Aldís Schram, Jenný Kristín Valberg. Fundar- og pallborðsstjóri er Elín Hirst, fjölmiðlakona og höfundur bókarinnar Ekki líta undan – saga Guðrúnar Ebbu Ólafsdóttur.

Málþingið má sjá í spilaranum hér að neðan: