Albert sagður stefna í höfuð­borgina

Þetta fullyrðir ítalski fótboltafréttamaðurinn Matteo Moretto og segir að Albert sé opinn fyrir því að ganga í raðir Lazio. Fleiri ítalskir miðlar fjalla um þetta.

Gangi það eftir mun Albert spila heimaleiki sína á Ólympíuleikvanginum í Róm og undir stjórn AC Milan-goðsagnarinnar Gennaro Gattuso. Sá tók við Lazio í sumar eftir að hafa verið rekinn úr starfi landsliðsþjálfara Ítalíu, fyrir að mistakast að koma liðinu á HM.

Samkvæmt Moretto er nú unnið að því að finna samkomulag sem Lazio, Fiorentina og Albert geta öll sætt sig við. Bologna heldur einnig í vonina um að fá Albert en er ekki fyrsta val hans, samkvæmt Moretto.

Lazio hefur unnið báða fyrstu leiki sína í ítölsku A-deildinni á þessari leiktíð á meðan að Albert og félagar í Fiorentina hafa tapað fyrstu tveimur leikjum sínum.

Albert kom til Fiorentina frá Genoa fyrir tveimur árum og er með samning við félagið sem gildir til sumarsins 2029.