Handbolti

Sauð upp úr og Bjarka fleygt í jörðina

Valur Páll Eiríksson skrifar
Bjarki Már fékk að finna fyrir því.
Bjarki Már fékk að finna fyrir því. Skjáskot

Bjarki Már Elísson fór vel af stað með franska liðinu PSG um helgina er liðið varð meistari meistaranna í Frakklandi eftir 21-20 sigur á Montpellier. Hann var þá miðpunkur athyglinnar er sauð upp úr snemma í síðari hálfleik.

Það er iðulega hiti á milli PSG og Montpellier sem hafa verið leiðandi í frönskum handbolta undanfarin ár. Bjarki Már var að spila sinn fyrsta keppnisleik fyrir PSG sem hann samdi við í sumar eftir að samningur hans við Veszprem í Ungverjalandi hafði runnið út.

Snemma í síðari hálfleik skoraði Bjarki eftir hraðaupphlaup og lenti saman við markvörð Montpellier. Þeir fóru haus í haus og aðvífandi kom samherji markvarðarins og fleygði Bjarka á stöngina og í jörðina.

Atvikið má sjá í spilaranum.

Bjarki Már skoraði fjögur mörk í naumum eins marks sigri PSG og vann þar með sinn fyrsta titil með félaginu.

Franski handboltinn

Mest lesið


Fleiri fréttir

Sjá meira


×

Mest lesið