Stólpa­grín gert að leik­manni Ipswich

Davis missti skóinn af sér undir lok fyrri hálfleiks í 2-0 sigri Liverpool á Portman Road í gær. Hann var í nærmynd í útsendingu þegar hann reyndi að reima skóinn með slökum árangri.

„Þetta er alls ekki reimað, en ókei,“ sagði Gunnar Ormslev sem lýsti leiknum á Sýn Sport í gærkvöld og sjá má atvikið í spilaranum.

Alexander Isak skoraði bæði mörk Liverpool í leiknum og bæði voru eftir stoðsendingu frá Cody Gakpo. Um var að ræða fyrsta sigur liðsins á leiktíðinni eftir jafntefli í fyrstu tveimur leikjunum.