Handbolti

Leikur Aftur­eldingar og Víkings kláraður á morgun

Valur Páll Eiríksson skrifar
Afturelding hefur leik fimm mörkum yfir þegar síðari hálfleikurinn fer fram á morgun.
Afturelding hefur leik fimm mörkum yfir þegar síðari hálfleikurinn fer fram á morgun. Afturelding

Leikur Aftureldingar við Víking í Olís-deild karla í handbolta verður kláraður á morgun, tæpum tveimur sólarhringum eftir að hann hófst. Flauta þurfti hann af vegna rafmagnsleysis.

Rafmagnsleysi í efri byggðum Reykjavíkur og Mosfellsbæ í gærkvöld hafði víðtæk áhrif. Það varði í um 90 mínútur og eftir þónokkra bið ákváðu dómarar leiks Aftureldingar og Víkings að flauta leikinn af.

Mosfellingar voru 17-12 yfir í hálfleik þegar allt varð svart í Mosfellsbæ og munu heimamenn því vera með fimm marka forystu þegar síðari hálfleikurinn verður flautaður á.

Síðari hálfleikurinn hefst klukkan 13:00 í Myntkaup-höllinni í Mosfellsbæ á morgun og verður frítt inn.

Olís-deild karla Afturelding Víkingur Reykjavík

Mest lesið


Fleiri fréttir

Sjá meira


×

Mest lesið