Sjáðu veislu Leeds og markið sem gerði fram­herjann brjálaðan

Calvert-Lewin hélt að hann hefði skorað tvö mörk í fyrri hálfleiknum en fyrra markið hans kom eftir skalla sem að mati dómarans fór af Jayden Bogle, samherja hans, í markið. 

Mörkin og öll helstu atvik úr leiknum má sjá hér að neðan.

Bogle var sem sagt skráður fyrir marki tvö í leiknum, í óþökk Calvert-Lewin sem birti mynd af þeim félögum saman á Instagram og skrifaði:

„Hann var að segja mér að [boltinn] hefði ekki snert hann. Hvernig áfrýja ég þessari hneykslanlegu ákvörðun?“ Framherjinn taggaði svo ensku úrvalsdeildina í von um viðbrögð.

Fyrsta mark leiksins var sjálfsmark, eftir skot Ao Tanaka utan teigs, og það var svo Noah Okafor sem skoraði fjórða mark Leeds í seinni hálfleiknum, áður en Bazoumana Touré náði að minnka muninn í lokin.

Eftir sigurinn er Leeds með átta stig í 3. sæti deildarinnar, fjórum stigum á eftir Arsenal og Manchester City. Newcastle er með fimm stig í 12. sæti.