Meistara­taktar í Sevilla frá upp­hafi til enda

Veislan hófst strax á fyrstu mínútu í leik kvöldsins er Lamine Yamal kom Spánverjum yfir með marki eftir stoðsendingu frá Álex Baena. 

Köld vatnsgusa í andlitið á Króötum sem létu markið þó ekki slá sig algjörlega út af laginu. Dion Drena Beljo jafnaði metin fyrir Króatíu með marki á 28. mínútu eftir stoðsendingu frá Ivan Perisic. 

Króatar gátu þó ekki fagnað lengi því aðeins þremur mínútum síðar kom Marc Pubill Spánverjum aftur yfir. 2-1 og voru það hálfleikstölur í Sevilla. 

Lamine Yamal bætti við þriðja marki Spánverja og sínu öðru í leiknum á 63. mínútu áður en að Nico Williams gulltryggði 4-1 sigur liðsins með marki á 89. mínútu eftir stoðsendingu frá Mikel Merino. 

Lokatölur 4-1 sigur Spánverja sem eru með fullt hús stiga eftir sigra gegn Englandi og Króatíu. Englendingar verma annað sæti riðilsins með þrjú stig líkt og Króatía. Tékkar eru á botni riðilsins án stiga.