Þrír framherjar sem Manchester United gæti sótt í janúar

Áhyggjur eru af því að vandamálið geti orðið langvinnt og vilja margir meina að þeir rauðu þurfi meiri breidd fram á við.

Joshua Zirkzee hefur jafnframt átt erfitt uppdráttar hjá United og félagið gæti því þurft að leita að öflugri varamanni í fremstu víglínu. Matheus Cunha og Bryan Mbeumo geta leyst framherjastöðuna en eru ekki hreinræktaðir framherjar. Miðillinn Sport Mole hefur tekið saman þrjá framherja sem United gæti sótt í janúar.

Jean-Philippe Mateta

Frakkinn hjá Crystal Palace er einn þeirra sem United hefur fylgst með. Mateta, sem er 29 ára og 193 sentímetrar á hæð, er með samning til næsta sumars og gæti því verið fáanlegur á hóflegu verði í janúar. Hann hefur skorað 62 mörk og lagt upp 14 í 203 leikjum fyrir Palace. Í ensku úrvalsdeildinni hefur hann skorað 50 mörk í 163 leikjum.

Igor Matanovic

Matanovic hefur vakið mikla athygli með frábærri byrjun sinni hjá Freiburg. Hinn 23 ára gamli Króati hefur skorað sex mörk og lagt upp tvö í sjö leikjum á tímabilinu. Hann skoraði 15 mörk í öllum keppnum á síðustu leiktíð.

Arsenal og Chelsea hafa einnig verið orðuð við Matanovic og talið er að verðmiðinn hafi hækkað verulega vegna frammistöðu hans. Hann var metinn á um 30 milljónir punda í sumar en nú gæti Freiburg viljað fá nær 50 milljónir. United hefur þegar kannað möguleikann á því að fá hann í janúar, þó að félagið gæti átt erfitt með að sannfæra Freiburg um að selja um miðjan vetur.

Endrick

Þriðji kosturinn er brasilíski framherjinn Endrick, sem er á mála hjá Real Madrid. Hann hefur fengið afar lítið að spila á þessu tímabili og hefur aðeins komið við sögu í fjórar mínútur. Hann missti af upphafi tímabilsins vegna meiðsla en hefur verið orðinn leikfær frá byrjun september.

Endrick var orðaður við brottför í sumar en José Mourinho, þjálfari Real Madrid, kom í veg fyrir sölu. Þrátt fyrir það gæti lánssamningur komið til greina í janúar. Hann var á láni hjá Lyon síðari hluta síðasta tímabils og skoraði þar átta mörk í 21 leik.