Dómsmál

Dómsmál

Fréttir af málum sem rata fyrir dómstóla.

Fréttamynd

Steina vill á­frýja: „Brotið gegn grund­vallar­réttindum um­bjóðanda míns“

Steina Árnadóttir hjúkrunarfræðingur hefur falið Vilhjálmi Vilhjálmssyni, verjanda sínum, að óska eftir áfrýjunarleyfi Hæstaréttar vegna dóms Landsréttar í dag. Þar var hún sakfelld fyrir manndráp af gáleysi. Vilhjálmur telur að brotið hafi verið á grundvallarréttindum Steinu til réttlátrar málsmeðferðar og það sé meðal margra atriða, sem gæti orðið til þess að Hæstiréttur veiti áfrýjunarleyfið.

Innlent
Fréttamynd

Sakfelling Steinu stað­fest

Landsréttur hefur staðfest sakfellingu Steinu Árnadóttur hjúkrunarfræðingur fyrir manndráp af gáleysi fyrir hlut hennar í andláti sjúklings á geðdeild Landspítalans árið 2021. Henni er ekki gerð refsing.

Innlent
Fréttamynd

Tekist á um kaupfox og hefð vegna 80 ára jeppa

Héraðsdómur Vesturlands hefur dæmt mann réttmætan eiganda bifreiðar af gerðinni Willys Jeep, sem var fyrst skráð árið 1946, þar sem hann hefur haft umráð yfir bifreiðinni síðastliðin fjörutíu ár. Skráður eigandi bifreiðarinnar taldi að sá sem seldi manninum bifreiðina hefði ekki verið eigandi hennar. Dómurinn taldi öll skilyrði hefðar uppfyllt í málinu og því kæmi ekki til álita hvort upphaflegur seljandi hefði gerst sekur um kaupfox.

Viðskipti innlent
Fréttamynd

Voru að tína dópið úr töskunni þegar löggan réðst til at­lögu

Albani á fertugsaldri kveðst vera fórnarlamb í máli sem snýr að smygli á sögulegu magni ketamíns og mikils magns MDMA. Hann hafi talið sig eiga að gera manni sem væri ekki með dvalarleyfi greiða en í staðinn hafi verkstæði sem hann hafði aðgang að verið notað til að fjarlægja fíkniefnin úr bifreið.

Innlent
Fréttamynd

Átti að fá smá­aura fyrir sögu­legt smygl

Þýsk kona á sextugsaldri segist hafa leiðst út í að flytja tuttugu kíló af sterkum fíkniefnum til landsins með Norrænu vegna fjárhagsvandræða í tengslum við handtöku sonar hennar í Frakklandi. Hún hafi átt að fá tvö til þrjú þúsund evrur fyrir ómakið, sem jafngildir um 290 til 340 þúsund krónum. Hún á nú yfir höfði sér allt að tólf ára fangelsi.

Innlent
Fréttamynd

Hálfs árs fangelsi fyrir að berja mann með bif­hjóla­keðju

Héraðsdómur Reykjavíkur dæmdi karlmann með langan sakaferil að baki í sex mánaða fangelsi, skilorðsbundið til þriggja ára, fyrir líkamsárás þegar hann sló mann í höfuðið með mótorhjólakeðju. Tekið var tillit til viðsnúnings á högum árásarmannsins þegar refsingin var ákveðin.

Innlent
Fréttamynd

Séð Margréti beita móður sína of­beldi rétt áður en hún myrti föður sinn

Sigurbjörn Bárðarson hestaþjálfari segist hafa orðið vitni að því þegar Margrét Halla Hansdóttir Löf beitti móður sína ofbeldi. Nokkrum dögum síðar hafi hún myrt föður sinn. Sigurbjörn leigði fjölskyldunni bás í hesthúsi sínu og segist lengi hafa furðað sig á því hversu illa Margrét hafi komið fram við foreldra sína.

Innlent
Fréttamynd

Skil­orð fyrir vopnaðan nytjastuld

Kona á fertugsaldri hefur verið dæmd til þrjátíu daga skilorðsbundinnar fangelsisvistar fyrir nokkurn fjölda brota. Hún var meðal annars ákærð fyrir hótun og nytjastuld, með því að neyða konu út úr bíl með því að hóta henni með hnífi og aka bílnum á brott.

Innlent
Fréttamynd

Milljónir farið í sáttagreiðslur í Hafnar­firði

Hafnarfjarðarbær hefur greitt þremur fyrrverandi starfsmönnum alls vel rúmlega fimm milljónir króna í sáttagreiðslur á yfirstandandi kjörtímabili. Þá hafa verið gerðir sextán starfslokasaminga sem eru umfram þriggja mánaða uppsagnarfrest.

Innlent
Fréttamynd

Máttu reka leið­sögu­mann sem ók vinnubíl próf­laus

Atvinnurekandi í ferðaþjónustu, sem sagði upp starfsmanni eftir að hann ók bíl fyrirtækisins sviptur ökuréttindum tvívegis, þarf ekki að greiða starfsmanninum skaðabætur vegna uppsagnarinnar. Ekki var fallist á að riftun á ráðningarsamningi án undangenginnar samningsbundinnar áminningar vegna brotanna hafi verið ólögmæt.

Innlent
Fréttamynd

Braut í­trekað á stjúp­dóttur og bar fyrir sig kyn­ferðis­lega svefn­röskun

Karlmaður hefur verið dæmdur til tólf mánaða fangelsisvistar í Landsrétti fyrir að hafa ítrekað brotið kynferðislega á stjúpdóttur sinni þegar hún var sjö og átta ára. Hann bar fyrir sig að hann væri haldinn kynferðislegri svefnröskun og hefði verið sofandi þegar hann braut á stúlkunni. Landsréttur taldi sannað að hann hefði verið vakandi þegar hann snerti kynfæri stúlkunnar og rass og fróaði sér við hlið hennar.

Innlent
Fréttamynd

Níu ára fangelsi fyrir að nauðga fatlaðri konu í­trekað

Landsréttur hefur dæmt Sigurjón Ólafsson, karlmann á sextugsaldri, í níu ára fangelsi fyrir að hafa nauðgað andlegra fatlaðri konu ítrekað og látið aðra menn sem hann var í samskiptum við nauðga henni. Hann var yfirmaður hennar og neyddi son hennar til að fylgjast með kynferðislegum athöfnum þeirra. Hann hlaut ára dóm í héraði, áfrýjaði sjálfur og Landsréttur þyngdi dóminn um eitt ár.

Innlent
Fréttamynd

For­stjóri Deloitte sýknaður af á­kæru fyrir kyn­ferðis­brot

Þorsteinn Pétur Guðjónsson, forstjóri Deloitte á Íslandi, hefur verið sýknaður af ákæru fyrir kynferðisbrot. Honum var gefið að sök að hafa veist að ungri konu á hóteli á Suðurlandi vorið 2023. Hann segist þakklátur því að réttlætið hafi náð fram að ganga í málinu.

Innlent
Fréttamynd

Málið verði flutt upp á nýtt með nýju vitni

Margrét Friðriksdóttir og verjandi hennar Hilmar Garðar Þorsteinsson hafa krafist þess að mál gegn henni vegna ummæla um héraðsdómara verði endurflutt. Dómsuppkvaðningu hefur ítrekað verið frestað umfram þann tímaramma sem lög gera ráð fyrir.

Innlent
Fréttamynd

Braut á ungri bróður­dóttur sinni sem bjó á heimilinu

Karlmaður hefur verið dæmdur í tveggja og hálfs árs langa fangelsisvist fyrir nauðgun, kynferðisbrot gegn barni, stórfellt brot í nánu sambandi og vörslu barnaníðsefnis. Brotaþoli var bróðurdóttir hans sem var tveggja til fimm ára gömul þegar brotin áttu sér stað.

Innlent
Fréttamynd

Nauðgari hélt því fram að Snapchat-skilaboð væru ekki frá honum

Hæstiréttur hefur staðfest dóm Landsréttar yfir Ívari Gísla Vignissyni, sem var dæmdur í tveggja ára fangelsi fyrir að nauðga táningsstúlku sem tengist honum fjölskylduböndum. Hann bar fyrir sig að sönnunarmat Landsréttar hefði verið í skötulíki þar sem sakfelling hans hefði fyrst og fremst byggt á því að tiltekin Snapchat-skilaboð hefðu stafað frá honum.

Innlent
Fréttamynd

Hæsti­réttur gefur ÁTVR á baukinn

Hæstiréttur hefur vísað máli heildsölunnar Distu á hendur Áfengis- og tóbaksverslun ríkisins frá Hæstarétti og því stendur dómur Landsréttar í málinu óhaggaður. ÁTVR greiddi málskostnað fyrir Landsrétti daginn eftir dómsuppsögu og fyrirgerði sér þannig rétti til áfrýjunar til Hæstaréttar. Hæstiréttur benti á að ÁTVR er ríkisfyrirtæki með löglærða menn í vinnu og naut aðstoðar lögmanna við rekstur málsins og því hefði það staðið ÁTVR næst að sýna fram á hvers vegna málskostnaður var greiddur, en það hefði ekki verið gert.

Viðskipti innlent
Fréttamynd

Refsað fyrir að loka á konu og keyra yfir fætur hennar

Rútubílstjóri hjá ÍS-Travel hefur verið dæmdur í þrjátíu daga skilorðsbundið fangelsi fyrir að hafa keyrt yfir konu með þeim afleiðingum að hún slasaðist alvarlega. Hann var dæmdur til að greiða konunni 1,3 milljónir króna í miskabætur.

Innlent
Fréttamynd

Neitar að hafa nauðgað stúlku milli trjáa

Karlmaður búsettur erlendis hefur verið ákærður fyrir að nauðga fjórtán ára stúlku í júlí árið 2024. Honum er gefið að sök að hafa látið stúlkuna hafa við sig munnmök og haft við hana samræði á milli trjáa við göngustíg á ótilgreindum stað.

Innlent
Fréttamynd

Ungir menn sátu fyrir bjórsala og rændu tugum vodkaflaska

Tveir ungir menn hafa verið dæmdir fyrir rán, með því að hafa farið inn í bifreið manns og neytt hann til að afhenda þeim áfengi sem var í skotti bifreiðarinnar. Nokkuð ljóst er að um svokallaðan bjórsala var að ræða þar sem ungu mennirnir höfðu af honum sjö bjórkassa og 69 áfengisflöskur. Annar maðurinn hlaut þungan dóm en hann framdi einnig tvær meiri háttar líkamsárásir, aðra í félagi við bróður sinn, Gabríel Douane Boama.

Innlent
Fréttamynd

Deila um veg­slóða fyrir Hæsta­rétt

Eigendur sumarbústaðalóða á jörðunum Iðu I og II við Stóru-Laxá í Bláskógabyggð hafa fengið leyfi Hæstaréttar til að kæra úrskurð Landsréttar í deilu um vegslóða til réttarins. Málið er einn angi mikilla deilna landeigenda við leigutaka veiðiréttar í Stóru-Laxá.

Innlent
Fréttamynd

„Þetta er sorg­legur dagur fyrir lýð­ræðið“

Verjandi tveggja kvenna sem voru í dag sakfelldar fyrir að brjótast um borð í hvalveiðiskip segir rétt til mótmæla hafa að engu verið hafður með dóminum. Önnur konan segir þá sem stunda borgaralega óhlýðni sjaldnast dæmda rétt af dómsvaldinu á hverjum tíma en þeir fái uppreist æru í þegar litið er í baksýnisspegil sögunnar.

Innlent
Fréttamynd

Lögga á­kærð fyrir leit án heimildar

Lögreglumaður hefur verið ákærður fyrir brot í opinberu starfi fyrir að hafa í tvígang sumarið 2025 farið inn í íbúð án samþykkis eigenda og úrskurðar dómara. Þannig hafi hann ekki gætt lögmætra aðferða í starfi sínu.

Innlent

Mest lesið