Erlendar

Fréttamynd

Espanyol að landa Pandiani

Spænskir fjölmiðlar greina frá því í dag að Espanyol sé að leggja lokahönd á að ganga frá kaupum á framherjanum Walter Pandiani frá Birmingham. Talið er að Birmingham sé búið að samþykkja tilboð í Pandiani upp á eina milljón punda og að leikmaðurinn muni skrifa undir tveggja og hálfs árs samning við spænska félagið fljótlega.

Sport
Fréttamynd

Sjötti sigur Cleveland í röð

Cleveland Cavaliers vann sinn sjötta leik í röð í NBA deildinni í nótt þegar liðið hafði betur gegn Chicago Bulls á heimavelli sínum 102-91. LeBron James skoraði 32 stig fyrir Cleveland, en Tyson Chandler, Andres Nocioni og Chris Duhon skoruðu allir 15 stig fyrir Chicago, sem er í miklum vandræðum þessa dagana.

Sport
Fréttamynd

Fer frá Barcelona í sumar

Sænski markaskorarinn Henrik Larsson hefur gefið það út að hann muni fara frá Barcelona í sumar eftir að hafa snúist hugur í samningaviðræðum við félagið. Larsson segir að hugur hans stefni heim á leið.

Sport
Fréttamynd

Gagnrýnir stuðningsmenn

Steven Gerrard var ekki ánægður með móttökurnar sem Michael Owen fékk frá nokkrum stuðningsmönnum Liverpool í leik liðsins gegn Newcastle í gær, þar sem Owen lék sinn fyrsta leik á Anfield síðan hann fór frá félaginu á sínum tíma.

Sport
Fréttamynd

Curbishley ósáttur við dómara

Alan Curbishley, stjóri Charlton, hafði um lítið annað en dómara leiksins að tala eftir tapið gegn Arsenal í dag. "Steve Bennet er héðan úr hverfinu og það er kannski eitthvað sem við þurfum að skoða. Kannski er hann fyrir vikið of grimmur við okkur til að dæma leiki með okkur, hann var svo sannarlega ekki á okkar bandi í dag, svo mikið er víst," sagði Curbishley fúll.

Sport
Fréttamynd

Aston Villa burstaði Everton

Aston Villa tók lánlaust lið Everton í bakaríið á heimavelli sínum Villa Park í lokaleik dagsins í ensku úrvalsdeildinni í dag 4-0. Milan Baros kom Villa yfir í fyrri hálfleik, en í þeim síðari opnaði fyrir allar flóðgáttir hjá Everton og Villa bætti við þremur mörkum frá Mark Delaney, Juan Pablo Angel og Baros skoraði loks sitt annað mark.

Sport
Fréttamynd

Jóhannes Karl skoraði fyrir Leicester

Heil umferð var leikin í ensku 1. deildinni í dag. Jóhannes Karl Guðjónsson skoraði jöfnunarmark Leicester sem gerði jafntefli við Milwall í dag og þeir Ívar Ingimarsson og Brynjar Björn Gunnarsson voru báðir í liði Reading sem vann góðan útisigur á Wolves og hélt sínu striki í toppbaráttunni. Stoke City þurfti að sætta sig við 1-0 tap fyrir Burnley á útivelli.

Sport
Fréttamynd

Einar Hólmgeirsson í stuði

Nokkrir leikir fóru fram í þýska handboltanum í dag. Einar Hólmgeirsson skoraði 9 mörk fyrir Grosswallstadt og Alexander Petersson 7 þegar liðið lagði Lemgo 33-29. Ásgeir Örn Hallgrímsson skoraði 2 mörk fyrir Lemgo. Magdeburg sigraði Minden 31-27, þar sem Sigfús Sigurðsson skoraði 3 mörk og Arnór Atlason 1, en Snorri Steinn Guðjónsson gat ekki leikið með Minden vegna meiðsla.

Sport
Fréttamynd

Nadal meiddur

Spænski tenniskappinn Rafael Nadal verður ekki með í fyrstu keppnum ársins eftir að fótameiðsli hans tóku sig upp að nýju og hafa læknar sem meðhöndla hinn 19 ára gamla tennisleikara nú ráðlagt honum að spila ekki fyrr en í fyrsta lagi á opna ástralska mótinu þann 15. janúar næstkomandi.

Sport
Fréttamynd

Aston Villa yfir gegn Everton

Aston Villa leiðir 1-0 í hálfleik gegn Everton á Villa Park í lokaleik dagsins í ensku úrvalsdeildinni. Það var Milan Baros sem skoraði mark Aston Villa á 35. mínútu, en bæði þessi lið þurfa mjög nauðsynlega á stigum að halda í dag.

Sport
Fréttamynd

Ætlar að skora 100 mörk fyrir Chelsea

Eiður Smári Guðjohnsen segir að hann hafi sett stefnu á að skora 100 mörk fyrir Chelse á ferlinum, en tekur þó fram að hann sé í raun meira fyrir það að skapa færi fyrir aðra en að skora þau sjálfur og segist kunna ágætlega við að spila á miðjunni.

Sport
Fréttamynd

Cole var frábær í dag

Jose Mourinho, knattspyrnustjóri Chelsea, hældi Joe Cole á hvert reipi í dag eftir að landsliðsmaðurinn enski lagði upp sigurmark Chelsea gegn Fulham í 3-2 sigri liðsins.

Sport
Fréttamynd

Fýluferð Owen á Anfield

Michael Owen sótti ekki gull í greipar fyrrum félaga sinna í Liverpool á Anfield í dag, þegar Liverpool skellti Newcastle 2-0. Steven Gerrard skoraði fyrra mark Liverpool, en síðara markið var skráð sem sjálfsmark Shay Given markvarðar Newcastle. Manchester United vann auðveldan sigur á West Brom 3-0 og Wigan sigraði Manchester City í miklum markaleik.

Sport
Fréttamynd

Gummersbach - Kiel í beinni

Það verður enginn smá leikur í beinni útsendingu á Sýn á morgun þegar Guðjón Valur Sigurðsson, Róbert Gunnarsson og félagar í Gummersbach taka á móti stórliði Kiel í þýsku úrvalsdeildinni í handbolta. Gummersbach gekk um helgina frá samningi við tvo nýja leikmenn til að styrkja sig í toppbaráttunni en þetta eru skyttan Denis Zacharov og markvörðurinn Nandor Fazekas.

Sport
Fréttamynd

Roy Keane fékk höfðinglegar móttökur

Miðjumaðurinn Roy Keane fékk höfðinglegar móttökur þegar hann var kynntur formlega sem nýr leikmaður Glasgow Celtic á Parkhead í dag. Það var kannski þessvegna sem þurfti að fresta leik liðsins gegn Livingston um nokkrar mínútur vegna rafmagnsleysis.

Sport
Fréttamynd

Toyota hefur áhuga á Raikkönen

Þýska blaðið Bild greinir frá því um helgina að lið Toyota vinni nú hörðum höndum að því að lokka finnska ökuþórinn Kimi Raikkönen til liðs við sig þegar samningi hans við McLaren lýkur eftir næsta tímabil. Toyota er sagt hafa boðið honum 25 milljón evrur í árslaun gegn því að hann geri samning við liðið, en metnaður Toyota að komast á toppinn í Formúlu 1 er mikill.

Sport
Fréttamynd

Liverpool 2-0 yfir gegn Newcastle

Nú er kominn hálfleikur í leikjunum sex sem standa yfir í ensku úrvalsdeildinni. Liverpool hefur yfir 2-0 gegn Newcastle á Anfield. Steven Gerrard og Peter Crouch skoruðu mörk Liverpool. Manchester United hefur sömuleiðis 2-0 forystu gegn West Brom, með mörkum frá Paul Scholes og Rio Ferdinand.

Sport
Fréttamynd

Crespo tryggði Chelsea sigur

Argentínski framherjinn Hernan Crespo tryggði Chelsea 3-2 sigur á Fulham með marki á 74. mínútu í dag, en áður hafði Heiðar Helguson jafnað leikinn úr vítaspyrnu. Tottenham sigraði Birmingham 2-0 með mörkum frá Robbie Keane úr víti og Jermain Defoe bætti við síðara markinu á lokamínútunni. Þá vann Arsenal 1-0 útisigur á Charlton með marki frá Jose Antonio Reyes í fyrri hálfleik.

Sport
Fréttamynd

Ætlar ekki að hætta

Sir Alex Ferguson, knattspyrnustjóri Manchester United, hefur nú tekið af allan vafa um framtíð sína í þjálfarastólnum og segist ætla að halda áfram að stýra liðinu þangað til liðið nær að rétta úr kútnum.

Sport
Fréttamynd

Heiðar jafnaði metin fyrir Fulham

Heiðar Helguson er búinn að jafna metin fyrir Fulham gegn Chelsea og er staðan í leiknum því orðin 2-2. Heiðar jafnaði metin úr vítaspyrnu á 56. mínútu. Eiður Smári er einnig kominn inná sem varamaður í liði Chelsea. Arsenal hefur yfir 1-0 gegn Charlton með marki frá Reyes og Tottenham leiðir 1-0 gegn Birmingham, en markið skoraði Robbie Keane úr vítaspyrnu í upphafi síðari hálfleiks.

Sport
Fréttamynd

Chelsea yfir gegn Fulham

Nú er kominn hálfleikur í fyrstu þremur leikjum dagsins í ensku úrvaldsdeildinni. Chelsea hefur yfir 2-1 gegn Fulham, en þar er Heiðar Helguson í byrjunarliði Fulham, en Eiður Smári er á varamannabekk Chelsea. William Gallas kom Chelsea yfir og Frank Lampard bætti við öðru marki, en Brian McBride minnkaði muninn fyrir Fulham.

Sport
Fréttamynd

Real Madrid kaupir Cicinho

Spænska stórveldið Real Madrid hefur gengið frá kaupum á brasilíska landsliðsmanninum Cicinho frá nýkrýndum heimsmeisturum félagsliða, Sao Paulo. Kaupverðið er sagt vera í kring um fjórar milljónir evra og þó Cicinho sé brasilíumaður, er hann með ítalskt vegabréf og telst því ekki vera útlendingur í spænsku deildinni.

Sport
Fréttamynd

Ákveðinn í að hætta í vor

Alan Shearer, fyrirliði Newcastle, ætlar ekki að láta knattspyrnustjóra sinn Graeme Souness og stuðningsmenn félagsins hafa áhrif á ákvörðun sína um að hætta að spila í vor og segist ákveðinn í að leggja skóna á hilluna eftir þetta tímabil.

Sport
Fréttamynd

Bryant ætlar á Ólympíuleikana

Hinn skotglaði Kobe Bryant hjá LA Lakers hefur tilkynnt að hann ætli að gefa kost á sér í landslið Bandaríkjanna í körfubolta fyrir Ólympíuleikana í Peking árið 2008. Þetta kemur fram í LA Times um helgina, en Bryant á að hafa fundað með Jerry Colangelo, framkvæmdastjóra landsliðsins, og tekið þessa ákvörðun í framhaldinu.

Sport
Fréttamynd

Sannfærði Gerrard um að fara ekki

Rafael Benitez, stjóri Liverpool rifjaði það upp í viðtali við BBC um helgina að hann hafi átt sinn þátt í að sannfæra fyrirliða liðsins, Steven Gerrard, um að fara ekki frá félaginu og ganga í raðir Chelsea í sumar. Eins og flestir muna eftir, munaði aðeins hársbreidd að Gerrard færi frá Liverpool.

Sport
Fréttamynd

Owen snýr aftur á Anfield

Tíu leikir eru á dagskrá í ensku úrvalsdeildinni í knattspyrnu í dag, annan dag jóla. Þar ber ef til vill hæst endurkoma Michael Owen á gamla heimavöll sinn Anfield, þar sem hann lék lengst af ferlinum áður en hann ákvað að reyna fyrir sér á Spáni og nú síðast í Newcastle. Fastlega er búist við að Owen fá blíðar móttökur á Anfield, þar sem hann var nánast í guðatölu í mörg ár.

Sport
Fréttamynd

Di Stefano þungt haldinn á sjúkrahúsi

Knattspyrnugoðsögnin Alfredo di Stefano, heiðursforseti Real Madrid, liggur þungt haldinn á sjúkrahúsi í Valencia eftir að hafa fengið hjartaáfall yfir hátíðarnar. Di Stefano var á sínum tíma tvisvar kjörinn knattspyrnumaður Evrópu og var mikill markaskorari. Hann skipar stóran sess í sögu Real Madrid og voru flestir stjórnarmenn félagsins mættir til að veita honum stuðning á sjúkrahúsinu í gær.

Sport
Fréttamynd

Jones og Hopkins berjast aftur

Hinir frábæru hnefaleikamenn Roy Jones Jr og Bernard Hopkins hafa samþykkt að mætast í hringnum í vor, en þeir félagar börðust síðast árið 1993. Þar hafði Roy Jones betur, en eftir það skildu leiðir og þeir urðu báðir óumdeildir meistarar í sinni þyngd í meira en áratug.

Sport
Fréttamynd

Farinn frá Southampton

Harðjaxlinn Dennis Wise hjá Southampton er sagður hafa yfirgefið herbúðir Southampton í fússi um helgina eftir að ljóst varð að hann yrði ekki ráðinn knattspyrnustjóri félagsins til frambúðar.

Sport
Fréttamynd

Hefur samþykkt að ganga í raðir United

Spartak frá Moskvu samþykkti í gær tilboð Manchester United í serbneska varnarmanninn Nemanja Vidic, sem væntanlega gengur í raðir enska liðsins eftir áramótin ef hann lýkur læknisskoðun og samþykkir tilboð Manchester United. Vidic er sterkur miðvörður og hefur verið orðaður við nokkur önnur lið eftir að hann lýsti því yfir fyrir skömmu að hann vildi fara frá Spartak.

Sport

Mest lesið