Fótbolti

Dregið í riðla í Meistaradeildinni: Guardiola fer á Nývang

Ingvi Þór Sæmundsson skrifar
Guardiola mætir sínu gamla félagi, Barcelona.
Guardiola mætir sínu gamla félagi, Barcelona. vísir/getty
Rétt í þessu var dregið í riðla í Meistaradeild Evrópu.

Pep Guardiola fer með lærisveina sína í Manchester City á sinn gamla heimavöll, Nývang í Barcelona. C-riðilinn er mjög sterkur en auk City og Barcelona eru Borussia Mönchengladbach og Celtic í honum.

Birkir Bjarnason og félagar í Basel lentu í A-riðli með Paris Saint-Germain, Arsenal og Ludogorets.

Englandsmeistarar Leicester City voru heppnir með drátt en þeir lentu í G-riðli með Porto, Club Brügge og FC Köbenhavn.

Bayern München og Atlético Madrid, sem mættust í undanúrslitunum á síðasta tímabili, drógust saman í D-riðil ásamt PSV Eindhoven og FK Rostov.

Evrópumeistarar Real Madrid eru í F-riðli með Borussia Dortmund, Sporting Lissabon og Legia Varsjá.

Fyrstu leikirnir fara fram 13. september næstkomandi.

Riðlana átta má sjá hér að neðan.

Meistaradeild Evrópu

Mest lesið


Fleiri fréttir

Sjá meira


×

Mest lesið